Bo kurpa ta purba moda di protehe su mes. E ta konservá energia i bai bek na e peso ku bo tabatin promé. Sigi lesa kon lihé bo por baha di peso i kiko ta pasa ora bo ke baha mas ku mei kilo pa siman.
Baha mei kilo den un siman
Bo kurpa no solamente tin mester di energia pa ta den moveshon, pero tambe ta usa energia pa digerí kuminda, laga kurason bati, laga bo serebro funshoná. E energia ku nos kurpa ta usa ta bini di kuminda ku nos ta kome. Si den bo kuminda tin mes tantu energia ku bo ta saka, konsekuentemente bo peso ta keda stabil. Si bo ta risibí ménos, bo kurpa ta bai buska otro fuente di energia pa bini na mas energia. E por hasta bai usa loke ku e tin reserva. E reserva di mas grandi di bo kurpa ta e reserva di vèt, pero tambe reservanan di proteina por wòrdu usa pa energia.
Bo ta usando mas energia ku bo ta ingerí?
Konsekuentemente bo reservanan ta bira ménos i bo peso ta baha. Ora bo ta baha poko poko (entre mitar i un kilo pa siman), bo reservanan di vèt ta duna un aporte hopi grandi di energia. Si bo ta bai pa baha mas den un siman, reservanan di proteina lo bai duna un aporte mas grandi.
Si bo ke baha mei kilo den un siman bo mester kome mas o ménos 500 kilokaloria (kkal) ménos di loke bo ta kustumbrá pa dia. Bo ke baha mas ainda den un siman, anto bo tin ku kome mas ménos ainda.
500 kkal ménos
Kome 500 kkal ménos riba un dia ta mustra manera hopi, pero esei no mester ta e kaso. Ku algun reahuste chikí den bo kuminda bo por spar masha lihé 500 kkal, sin ku bo mester di bai kome ménos. Aki algun ehèmpel:
• Si bo bebe lechi desnatá (magere melk)
na lugá di lechi enterá (volle melk) ya bo
tin un diferensia di 25 kkal pa glas.
• Un kòpi di kòfi sin suku ya ta un
diferensia di 20 kkal pa kòpi.
• Skohe pa un pida filè ya por spar bo 200
kkal kompará ku un lapi di spèki.
• Pan brùin ta kontené 20 kkal ménos ku
pan blanku. Si bo ta kome 6 snechi pan
riba un dia ya esaki ta yuda spar 120 kkal.
• Skohe pa porshon chikí. 1 kuchara di
batata òf pasta ménos bo ta spar ya kaba
55 kkal.
Tur esakinan ta mustra diferensianan masha chikí. Pero si bo konta tur loke bo a spar huntu ya bo ta yega fásil den serkania di 500 kkal.
Baha di peso den
un siman
Baha peso sin ningun problema den un siman, i preferibel sin bo bolbe subi di peso despues di e dieta? Masha tantu buki di dieta ta primintibo resultado garantisá i sin molèster. Pero kiko ta pasa berdaderamente ora bo baha di peso asina lihe?