KOMPARÁ I KUMPRA
Pero ku e S6 i S6 Edge, Samsung a bòltu 180 grado for di e personalidat “anti- Iphone” di e seri Galaxy S. E seri nobo di telefon di Samsung ta konsiderablemente hopi mas paresido na Apple ku modèlnan anterior.
Tur dos e Samsung smartphonenan aki ta traha di glas di aluminio. E S6 Edge su pantaya ta rònt na kada banda. Un estilo inekibokádamente mas elegante. Pero otro modifikashon paresido na Apple konsekuentemente ta influenshá e valuashonnan di e aparatonan poniendo nan, irónikamente, na e nivel di Apple su Iphone 6.
Por ehèmpel, esakinan ta e promé modèlnan Galaxy S ku di kua bo no por kambia su bateria. Tambe falta e posibilidat pa ekspandé memoria pa medio di un karchi. Esaki ta nifiká ku un usuario di Galaxy S tin ku hiba su telefon na un sentro di servisio pa kambia su bateria dañá òf tin ku kumpra un vershon mas karu di e telefon si tin mester di mas espasio di memoria, meskos ku ta e kaso ku Iphone.
Kiko mas? E Galaxy nan aki no ta resistente na awa manera e Galaxy 5. Ta p’esei ta konsehabel pa tene bo telefon duru na momentu ku bo ta banda di un plas di awa, pos òf zuèmbad. E durashon di bateria di Galaxy S6 ta hopi bon, pero ainda ménos kompará ku e Galaxy S5 òf telefonnan inteligente di otro distribuidor, inkluyendo LG.
Pa konsuelo, Samsung ta primintí un bateria grátis pa remplasá si e kapasidat di karga baha bou di 80 porshento durante e promé aña. Despues di esei bo tin ku paga $ 45,= mas gastunan di transporte i impuesto pa kambia e bateria. Pero si e telefon su pantaya tipo “amoled” kibra pafó di e periodo di garantia, Samsung ta kobra bo $ 199,= pa drecha esaki.