Konsumidó Alertá Volumen 16, aprel 2015 | Page 12

DERECHI I DEBER

instalashon

Sierto aparátonan elektróniko ta rekerí instalashon pa

bo por usa nan. Por ehèmpel èrkonan, wasmashín i stof.

Na kompra di e aparátonan elektróniko aki, hopi biaha e

kompania kaminda bo a kumpra e produkto mes ta ofresé

abo komo konsumidó i kliente, pa instalá e produkto pa bo na bo kas.

E kompanianan aki mes ta transportá e produkto na bo kas i instal'é pa bo.

Sierto kompanianan ta kobra un tarifa pa e servisionan aki miéntras otro kompanianan

ta ofresé e servisionan aki grátis na nan klientenan.

Sinembargo, e servisio di e negoshantenan pa instalá e produkto na bo kas pa bo, además di trese komodidat komo ku bo mes no mester instalá e produkto bo mes òf paga un hende pa hasié den e kaso ku bo mes no por, ta trese un benefisio legal di sumo importansia. Dikon? Ora bo ta bai instalá un produkto sierto kosnan por bai robes. Por ehèmpel bo a pega sierto wayanan robes. E fayonan aki por tin konsekuensia basta ferfelu. Den kasonan di mas serio un instalashon defisiente por daña e produkto i pone ku bo no por hasi uso di dje mas òf ku bo tin ku bai paga pa laga drecha e produkto. Den e kaso ku bo instalá un aparato na un manera inkoretko i pa motibu di esaki e aparato daña, ku eksepshon di un situashon spesífiko menshoná den lei, abo ta responsabel i no e kompania kaminda bo a kumpra e produkto. Pa loke ta trata e eksepshon menshoná nos lo elaborá mas riba esaki den artíkulo aki.

Ora bo palabrá ku un negoshante serka ken bo a kumpra un produkto ku e mes lo instalá e produkto pa bo, e negoshante tin e deber pa sòru pa e instalashon komo ku tin un akuerdo entre bosnan tokante esei. Según artíkulo 7:18 insiso 3 di nos Kódigo Sivíl, si un negoshante ta obligá pa sòru pa instalashon i e instalashon tuma lugá di un forma defisiente, esaki ta wòrdu tratá meskos ku e kaso ku e produkto ku a wòrdu kumprá no ta korespondé na e akuerdo di kompra.

defisiente