Kanando den Heerenstraat en buska di un T-shirt pa bai apoyá nos selekshon nashonal di futbòl algun siman pasá nos a bin topa ku un fenómeno nobo ku kisas ta e manera nobo pa komersiantenan eskivá pago di impuesto òf por lo ménos redusí entrada ku nan ta deklará na impuesto.
Despues di a kumpra un artíkulo nos a pasa na kaha pa paga. Despues di a swaip e montante na florin nos a pidi e faktura di e transakshon. Grandi tabata e sorpresa ku e kahera a disidí di dal e montante di e artíkulo den e kaha seyá den e ekivalente di e suma na dòler merikano. Naturalmente a start un diskushon kaminda e bendedó ta pretendé ku su negoshi tin un akuerdo Ku Stichting BAB pa registrá transakshonnan den su kaha seyá den dòler! P’ami esaki a zona manera un kuenta di ada, ya ku te asina leu ku mi sa no ta eksistí tal kos komo un kaha seyá den dòler. A yama e mènedjer ku a pretendé e mesun historia.
Nos a keda para riba nos ponensia ku sea nos ta haña un faktura for di e kaha seyá ku e montante di e transakshon den na florin òf e transakshon ta keda na e montante den dòler den kaha i e ora ei nos tin ku haña loke a paga di mas. Sospechosamente e mènedjer a disidí di duna e diferensia di sèn bèk i no a dal e montante korekto na florin den e kaha seyá.
Pa ta mas sigur mi a tuma kontakto ku SBAB e siguiente dia di trabou pa averiguá si ta asina ku tin un akuerdo ku sierto komersiantenan den Punda pa nan por atministrá nan kahanan seyá den dòler merikano. Manera mi a teme esaki no ta e kaso. Stichting BAB no tin ningun klase di akuerdo ku ningun komersiantenan pa manehá nan kahanan seyá den otro moneda ku ta florin antiano.
Nos a manda e fakturanan di e transakshon pa Stichting BAB pa asina kontrolá e negoshi i si ta nesesario sanshoná esaki pa violashon di leinan di impuesto. Un yamada ta bai pa tur konsumidó pa ta atento i alerto pa e tipo di akshonnan aki. Semper pidi i kontrolá bo faktura!
Kaha seyá na dòler?
Marc Marshall
Direktor
Editorial
PRÓLOGO
diFundashon pa Konsumidóa internashonal di derechinan di konsumidÓ