promé bo kumpra
• Ora ku kumpra piská di vris, mester tene kuenta ku tin ku kushin’é mes ora
i ta rekomendá pa no vris e piská aki atrobe.
• Ta rekomendá tur konsumidó pa no kumpra piská fresku serka un
bendedó ku no tin un afdak pa e para bou di dje i ku no tin un baki di eis.
E chèns ta hopi grandi ku ora bo bai kome e piská e ta pika lenga.
Rekomendabel ta pa no kumpra piská ku ta hopi na solo.
• Ora bo ta bai hasi kompra, pone piská komo último riba e lista. Kier men
kumpra piská nèt promé ku bo ta bai kas, sino ora bo ta kushiná e piská e
karni ta kita for di e wesu. Esei kier men ku e piská ta dañando, anto e
chèns ta grandi ku bo por shuata.
• Ora kumpra piská salu/seku mester wak si e ta bon seku i bon paketá.
• E piská salu no mag di ta muha. Ora e ta muha e ta hole putri i e ta atraé
muskita.
• Kontrolá den e nachinan di e piská pa no tin webu di muska òf kakalaka.
• Ora ta kumpra piská humá p.e. filè di salmou mester chèk ku e ta
empaketá vakum. Esaki ta enserá ku e mester ta paketá sin airu aden, paso
e airu ta dañ’é.
• E kolo di e salmou aki mester ta ros òf un kòrá kla (bunita) e no mester ta
blikia ku dos kolo.
• Chèk tambe e fecha di vensementu.
• Ora bo ta kumpra piská den bleki bo por kontrolá si e ta bon dor di primi
ku bo dùim i bo dede di índise (wijsvinger) riba e tapa i e bòm di e bleki. Si
esaki zona no kumpr’é.
• Kontrolá e nachinan di e bleki ku nan ta frus. Si e ta frus no kumpr’é.
• Chèk ku e bleki no ta dobla, paso esaki por okashoná un reakshon kímiko
ku por ta dañino pa salú di hende.
• Tuma tempu pa lesa tur etikèt.
• Ora bo ta bai kumpra piská tambe bo tin ku chèk si tin un bòrchi di preis i
tambe e nòmber di e piská riba e bòrchi i tambe un balansa pa pisa esaki.
• Rekomendabel pa kumpra marisko di vris. Pa kontrolá si e ta bon bo por
holé. Ora e ta dañá e ta hole stèrki manera amoniak òf e ta hole putri. No
kumpr’é ni no kome.
• Ora bo ta kumpra piská di barku e wowo di e piská no mester ta kòrá, sino
ta trata di un piská ku a para hopi. Skama di e piská mester ta lombra
tambe. Ta rekomendabel pa laga nan kap e piská bo dilanti.
• Ora bo kaba di kap piská òf skama piská lora e restunan den un korant
bieu i hink’é den un saku di plèstik promé ku bo tir’é afó. Asina bo ta evitá
ku e ta atraé muskita òf ku otro bestianan ta haña chèns di kome nan.
• Ora ta hasa piská, hasa esaki riba un kandela abou. E piská ta haña chèns
di kushi te paden i e no ta keda kurú.
• Si un hende ku kaba di kome piská i su kurpa kuminsá hinka, lep ta hincha
i/òf kueru kuminsá yena ku pèshi ta nifiká ku e persona aki a shuata. Bai
bo dòkter di kas inmediatamente i despues yama GGD na 462-2040 pa
duna un keho.
Ta un tradishon ku den e temporada di kuaresma nos ta kumpra hopi piska. Pero no ta tur hende por mira ki ora un piská ta fresku. E lei di etikèt ta bisa ku tur produkto ku ta wòrdu pone na benta mester tin un etikèt ku su fecha di vensementu. Fundashon pa Konsumidó a kompilá tur e siguiente puntonan pa hasi kòntròl dor di konsumidó mas fásil.
piskÁ