BO SALÚ
Prostat ta un klir serka hende hòmber i ta ubiká nèt abou di su blas i rondó di e kanal di uriná. Un prostat ta produsí sustansianan ku na momentu di ehakulashon ta keda añadí na e spèrma pa asina krese e chèns di sobrebibí di e sélula di spèrma den e vagina. Un klir útil sigur ku, lamentablemente den transkurso di hopi hende hòmber su bida, ta keda afektá.
Un prostat salú
Un prostat ta konsistí di miónes di kanalnan minúskulo ku alrededor di nan un fibra di múskulo, ku ta kontraé na momentu di ehakulashon. Serka hende hòmber yòn e klir tin un forma i grandura di un nechi òf kastaña.
Prostat ta bira grandi
For di bo pubertat bo prostat ta kuminsá krese. Serka un mínimo di 30% di hende hòmber e kresementu aki ta trese problemanan kuné for di alrededor di 50 aña di bida. E prostat ta primi sera e kanal di urina, ku ta kousa problema pa uriná.
Proseso di kanser na prostat
Kanser di prostat ta krese poko poko i kurá pa esaki ta posibel. Pero e sélulanan kanseroso por plama, spesialmente na bo wesunan i bo klirnan di limfe den serkania. Mayoria biaha esaki ta sosodé na e último fase di e malesa. Kurashon no ta aksesibel mas; pero si e pashènt por tin un mihó kalidat di bida.
Kanser na prostat
Ta un malesa ku hopi hende hòmber ta haña. Serka hendenan hòmber entre 70 pa 80 aña e chèns ta hasta 50 pa 70%. Afortunadamente ta poko hende hòmber tin molèster di esaki. Na Hulanda por ehèmpel ta konstatá kanser na prostat serka mas ku 10.000 hende hòmber. 70% di nan ta mas bieu ku 65 aña.