Telefon Òf tÈblet
KOMPARÁ I KUMPRA
pregunta
di luna
Tin vários provider di telefon ku ta hasi uzo parsial- òf totalmente di VOIP pa nan sistemanan di telefon. Tin ta uza VOIP pa komuniká sentralnan ku otro via di liña di data. E kombershon di análogo bai digital por sosodé na diferente manera. For di den un software instalá riba bo kòmpiuter òf telefon selular òf for di den un IP Phone. Ku e sistema aki henter e komunikashon ta a base di IP. For di den un ATA box. Esaki ta un Analog Telephone Aadapter. E bòks aki ta konektá entre bo telefon di kas normal i bo konekshon di internèt. Tin provider di telefon ku ta ofresé servisio di VOIP ku un number di telefon mara na dje. Pues si bo bèl e number aki e ta rin kaminda e number aki ta programá. Sea ta riba un kòmpiuter, telefon selular òf un ATA bòks. No ta hasi diferensha kaminda e aparato aki ta situá. Pues bo por tin un software ku un number di telefon di Kòrsou den dje programa mientrastantu ku bo ta na China.
Desbentahanan di VOIP
Pero naturalmente tin sierto desbentaha den e negoshi di VOIP. Ku e sistema análogo tradishonal ta solamente bo mester pasa òf laga
pasa un liña i instalá un telefon i bo
por bel. Serka ISDN bo mester di un
sentral di telefon. VOIP, semper mester
di un konekshon di internèt, pero asina
bo tin un konekshon di internèt bo por
hasi tur sorto di yamada manera ya menshoná.
Hopi biaha ta wòrdu bisa ku un desbentaha ta ku bo mester di un telefon VOIP , pero esaki no ta nesesario mas. Tin un aparato konfiabel ku por pone mei mei di e telefon ‘bieu’ ku asina esaki por wòrdu uzá ku VOIP. Por pasa ku, na ofisinanan grandi i bieu, e nètwèrk ta bieu i esaki por stroba e sistema VOIP traha bon. E ora ei e nètwèrk mester wòrdu di update, algu ku kualke hende di ICT lo konsehá pa hasi.
En general VOIP no tin hopi desbentaha. Si bo tin internèt. Problema ku internèt? E ora ei mayoria provider por manda tur e yamadanan pa bo telefòn mobil.