Konsumidó Alertá Volumen 12, novèmber-dezèmber 2014 | Page 17

Asina Amazon tambe a saka un aparato. I tin vários kompania mas ku ta subiendo e merkado aki.

Resientemente CBS i tambe ABC, dos di e kadenanan di televishon di mas grandi di Merka a anunsiá ku nan ta bai pasa notisia via di algun di e aparatonan aki, sin ku bo mester di un abono riba un sistema di televishon di kabel. Esaki ta un stap hopi grandi pa e kompanianan ku semper a bende nan servisionan via di e provedónan di kabel.

Algun di e aplikashonnan aki sinembargo ta será pa por wak nan pafó di Merka. Tin vários solushon i triki pa habri nan tòg pa por wak e kontenido aki.

Wired vs Wireless

Algun di e aparatonan ariba menshoná por konektá riba bo nètwèrk via di un kabel òf via di Wifi. Dor ku aplikashonnan di video ta rekerí mas “bandwidth”, esta kapasidat riba bo nètwèrk, semper ta rekomendá pa konektá nan via di un kabel na bo modem of router. Un Chromecast no tin e posibilidat aki. Pero Chromecast di otro un banda ta kompresá e kontenido pa esaki por pasa sin problema.

Konekshon di internèt

Tur e aparatonan ta rekerí un konekshon di internèt. Dependé for di unda e kontenido ta wòrdu di “stream” ta rekerí un konekshon di por lo ménos 4 MB. Si e kontenido bini di Europa òf mas leu un konekshon di mas kapasidat ta nesesario.

Mas i mas kontenido ta disponibel sin ku bo mester di un TV special pa por wak esaki.

Rekomendashon ta pa si bo tin aparato di Apple kaba porta un Apple TV ta e mihó eskoho. Si bo tin aparato Android, porta un Chromecast ta bo opshon mas indiká.

Si bo tin pensa di kumpra un di e aparatonan aki, papia ku hende ku tin nan kaba i hasi bo “research” riba internèt.

pregunta

di luna