Analisando e komparashon di preis nos por konkluí ku tin hartwèr ku ta skor mihó ku otro den sierto kategoria. Algun konklushon for di e análisis:
material
di konstrukshon
komparashon di preis
Mirando ku kada un di e diferente empresanan ku nos a bishitá a skor bon den un òf mas kategoria di e komparashon di preis aki, ta konsehabel pa studia e posibilidat di kumpra bo materialnan na diferente hartwèr. Akinan nos ke remarká sí ku artíkulonan di konstrukshon ta keda importá for di diferente merkado i pais. E echo aki tin influensha riba kalidat i preis di e diferente artíkulonan. Ta importante pa kada un di nos tene kuenta ku esaki ora ta hasi kompra.
KOMPARÁ I KUMPRA
• Pa palu, bo mester ta na Building Depot;
• Betonmat i betonijzer, ta kumbiní bo kumpra na
Staal Antillen;
• Pa PVC hulpstukken schroef-cap shinishi, wak
promé na Building Depot;
• Pa pipanan PVC shinishi, Dijtham ta resaltá
• Multiplex ta mas barata na Wema;
• Den e sekshon di etèrnit, Gomes Enterprises ta
resaltá ku su preisnan;
• Pa kokerprofiel, ta na Building Depot bo mester ta.
Pa fasilidat Fundashon pa Konsumidó a pone e diferente materialnan di konstrukshon den un tabèl, di moda ku kada konsumidó por haña un bista mas amplio di e surtido i preis ku e diferente establesimentunan ta ofresé. Marchena Hardware no ta aparesé den e tabèl menshoná dor ku na momentu di e anotashon di preis, e preisnan di e artíkulonan tabata sin OB, kontralí na loke lei ta preskribí. Por pidi e tabèl via email: [email protected] òf download e aki. Tambe bo por wak e tabèl riba nos website: www.fundashonpakonsumido.org.
Kumprakonsiente i evitá problema
Komo konsumidó sòru semper pa adelantá bo sa kiko bo ta buskando. Promé ku kumpra, bo mester kompará preis, kalidat, garantia i servisio.
Paga tinu ora di firma pa risibí un produkto, pasombra tin ora bo ta firma tambe pa e kondishon di e produkto, o sea si e ta den bon estado òf nò. Semper kontrolá, no firma sin kontrolá! Si bo no por a kontrolá e produkto, pone esaki riba e papel i ku bo ta firma solamente pa risibí e produkto. Eksigí pa tur palabrashon ta riba papel, preferiblemente riba bo bòn. No paga pa bo artíkulo si bo no tin e informashon ku e ta den stòk.