Sènsor di moveshon nobo
E sènsor di moveshon, mihó konosí komo M8 motion prosèsor, awor a bira mas sabí. Asina bo iPhone por distinguí ku bo ta koriendo, kanando òf si ta un trapi bo ta subi òf baha. Tambe e ta registrá e distansia entre abo i e aparato.
Kámara
E kámara di tur dos e iPhonenan a keda ku mes 8 mega pixel, pero e teknologia si a bai dilanti un tiki. Asina a instalá henter un sènsor nobo ku sigun Apple lo saka mihó potrèt. Karanan ta wòrdu persibí lihé i e ta focus masha lihé. Por hasi uzo di e funshon di slow motion riba un velosidat mas abou, es desir riba un frame di 240 pa sekònde. Preparábo pa grabashonnan slo ku tin mas o ménos dies minüt di tardansa kompará ku velosidat normal.
Dor ku e diseño di e iPhone ta muchu fini e kámara ta sali un tiki afó, ku konsekuensha ku e lèns por bira vulnerabel. Esaki debí ku ora ku bo pone bo iPhone abou, e parti patras ta lèn riba e lèns. Awor e pregunta, kuantu chèns tin pa e lèns raspa.
Stabilidat di imágen den iPhone 6 plus
iPhone 6 plus tin komo úniko di e dos modèlnan, un óptiko di stabilidat di imágen. iPhone 6 si no tin e funshonalidat aki, loke ta un lástima. Bo konosé e sistema, ku na momentu ku bo man move bo ta haña bo ku potrèt ku ta mustra un tiki vago. E stabilidat di imágen aki ta sòru pa e lèns di e kámara keda stabil, i ku no ta hasi influensha na momentu ku bo man trel. I ku esaki bo por saka mihó potrèt.
Durabilidat di bateria
Sigun Apple e iPhone 6 ta wanta 6 te ku 11 ora na momentu ku bo ta wak video. E iPhone 6 plus ta bai mas largu dor di su forma i bateria mas grandi. Bo por wak te ku 14 ora na video. Sí tur esakinan ta kuadra ku bèrdat mester warda te ora nos tin resultado di e tèst di e bateria di Consumentenbond Hulanda.