Asistensia Hurídiko Grátis/Abogado Pro-Deo
Asistensia hurídiko grátis na Kòrsou ta reglá den Landsbesluit Kosteloze Rechtskundige Bijstand (P.B. 1959, no. 198). Meta di e areglo aki ta, pa duna asistensia hurídiko grátis na personanan sin- òf di ménos rekurso ku a hasi petishon pa esaki i ku tin derecho riba esaki.
Un abogado Pro –Deo ta duna asistensia hurídiko grátis den un di e siguiente situashonnan:
• kasonan Sivil manera disputa laboral,
divorsio, kasonan di alimentashon, konflikto
di hür etc.
• kasonan Penal
Ken ta bin na remarke pa asistensia hurídiko grátis?
Pa bini na remarke pa un abogado Pro-Deo e personanan sin- òf di ménos rekurso mester ta biba na Kòrsou. Tambe suidadanonan Hulandes komo habitante estranhero ta bin na remarke pa asistensia hurídiko grátis den kasonan sivil. Kaminda un tratado internashonal ta aplikabel, personanan estranhero ku no ta habitante tambe por bin na remarke pa asistensia hurídiko grátis den kasonan sivil.
Kon mi por yega na un abogado, si mi no tin moda?
Esaki ta un pregunta ku konstantemente nos konsumidónan ta haña nan konfrontá kuné espesialmente ora nan tin un disputa ku un komersiante i e último aki no ta respetá derechi di e konsumidó. Den sierto kasonan kaminda asta intermediashon di nos Fundashon ainda no por konvensé e kontra-partido, ta keda e konsumidó solamente e kaminda di bai Korte pa e por haña su derechinan. I pa bai Korte, e konsumidó lo mester buska un abogado. Den kaso ku un persona no ta disponé di e medionan nesesario pa paga un abogado, e por rekurí na un asina yama abogado "Pro-Deo" pa asistensia hurídiko grátis.
pregunta
di luna
Pregunta
di luna
PREGUNTA
DI LUNA
PREGUNTA DI LUNA
Pregunta di luna