NOTISIA
Korte di Hustisia di Union Oropeo, den un veredikto di dia 18 di sèptèmber 2014, a konkluí ku un liña aéreo por kobra e konsumidó un tarifa apart pa transportá su maleta
Biaha sin maleta? Pa hopi di nos esaki no ta algu lógiko. Si mi biaha, mi tin ku biaha ku maleta tòg? Ta kon mi ta hasi biaha sin maleta? Transporte di mi maleta no mester ta inkluí den e preis ku ma paga pa mi ticket? Preguntanan ku den e artíkulo aki nos lo purba kontesta.
Nos tin ku remarká si ku e veredikto aki no ta konta pa Kòrsou dirèkt, pero si indirekto komo ku nos tin kompanianan di aviashon manera Arke Fly, Air
Berlin i KLM ku ta bula di Kòrsou pa Hulanda òf Alemania, paisnan pa kual e veredikto aki sí ta konta. Kompanianan di aviashon lo bai tin ku
tene kuenta ku e veredikto aki i ta bon pa abo komo konsumidó ta na altura di e kambionan.
Lokual nos por mira den e mundu di aviashon, sigur e mundu di aviashon Oropeo, ta ku diferente kompanianan di aviashon a kuminsá kobrá apart pa transportá maleta di e konsumidó. Esaki ta e kaso hopi biaha serka liñanan aéreo ku ta bende ticket na un preis hopi abou. Pero no ta kompanianan chikitu so ta hasi esaki. Kompanianan grandi manera KLM tambe ta hasi esaki, ounke esaki ta konta pa buelonan den Oropa so. Pa vuelonan interkontinental, manera Hulanda - Kòrsou ainda KLM no ta kobra e konsumidó apart pa transporte di su maleta.
pa transporte
di bo maleta
Tarifa apart