Konsumidó Alertá Volumen 10, sèptèmber 2014 | Page 20

Kiwi ta pertenesé na un di e sorto di frutanan di mas salú ku nos konosé. Un kiwi ta kontené diferente vitamina ku nos mester manera vitamina A, C i E. Fuera di esei un kiwi ta kontené tambe diferente otro supstanshanan ku ta perkurá pa nos kurpa keda salú, energia i resistensha tambe generá foliumzuur (vitamina B), kalium (potasio), magnesium (magnesia) i vezels (fibra). E presensha di e supstanshanan salú ku e kiwi tin, ta pone ku e ta un fruta saludabel pa tantu hende grandi i mucha.

Un hende muhé ku ta na estado tin un resistensia natural kontra di infekshonnan. Su kurpa ta keda den kondishon. Kiwi ta kontené vitamina B ku ta protehá e baby kontra di malesanan manera nasementu ku lomba habrí. Dor di laga un kiwi hecha bon ta fásil pa un baby òf un mucha chikí kome, tambe e ta bon pa hende grandi i ansiano ku tin problema ku gulimentu. Un kiwi ku para hecha ta mas dushi, kompará ku e kiwi ku ta duru.

Tin diferente sorto di kiwi na benta, esun ku ta kontené mas vitamina te esun kolo hel. Di kiwi no tin efektonan negativo pa salú konosí. Kiwi no ta vèt i no tin kaloria i pa personanan ku ta tene diet òf ku tin problema ku baimentu di af ta rekomendabel pa kome dos kiwi parti mainta.

Bo por usa kiwi tambe den kuminda, òf traha smoothies kuné. Tambe bo por kom’é di slais òf sak’é ku kuchara for di e kaska. Un kos por bisa ku e fruta aki ta dushi i e ta sigur un delisia salú. Na momentu ku e fruta aki a wòrdu introdusí, hopi hende tabata keda un tiki leu dor di kaska ku tin mané kabei. Entretantu nan a diskubrí e sabor generoso di e kiwi, i awor e fruta aki no ta keda for di e makutu di kompra. Tantu e kiwi maron komo e hel awndia a bira ko’i pasa boka hopi gustá.

KIWI

E benefishinan di