KOMPARÁ I KUMPRA
Lo mínimo òf top of the line?
Apple Ipad Air ta kuminsá i Samsung Galaxy Note 12 ta e vershonnan di mas karu. Kiko bo ta haña pa e tòp modèlnan aki?
Bo ta haña un merkado di app mas mihó organisá i kontrolá i un tèblet ku ta funshoná hopi bon. E Android merkado di app (Play Store) ta yegando serka di esun di Apple. Tèbletnan di Windows mayoria biaha ta mas kostoso. Dor ku nan tin prosèsornan mas “high-end” manera Core i7 nan ta mas serka di un lèptòp.
Si bo budjèt ta mas abou, tin hopi eskoho. For di NAfl. 200 bo por kumpra un tèblet awendia.
Bo mester di un keyboard?
Si bo tin pensá di tip mas ku djis un tiki, lo ta mas konfortabel pa bo tin un keyboard ku bo tèblet.
Tin ta bini ku esaki, por ehèmpel un Microsoft Surface Pro, tin ku bo por tuma un keyboard komo un opshon i pa mayoria tèblet bo por kumpra un keyboard apart ku ta konektá via di bluetooth. Tin masha hopi tipo i modèl di esakinan.
4G òf wifi so?
E pregunta aki ta masha simpel pa kontesta.
Si bo no ta bai biaha hopi ku e tèblet i mester di akseso na Internèt tur ora i tur kaminda, kumpra un tèblet ku wifi so.
Tur tèblet ku 4G/3G ta mas kostoso ku un ku solamente wifi. Tambe bo mester tene kuenta ku ta bini gastunan mensual pa un sim di UTS òf Digicel pa hinka den e tèblet.
Un opshon tambe ta, si bo tin un telefon Android ku e servisio di 4G, bo por hasi esaki un “hotspot” i konektá bo tèblet via di wifi ku e telefon.
Telefon Òf tÈblet