Konsumidó Alertá Volumen 24, mart 2016 - Page 10

Un kontribushon di

Manera nos por a lesa den e sekshon di notisia, e lei di kompetensia a pasa den nos Parlamento. Ounke e lei aki tin konsekuensianan positivo pa funshonamentu di nos merkado ekonómiko, e ta un lei ku nos a ripará ku ta difísil pa splika. Un di e motibunan, na nos pareser, ta ku e lei no ta dirigí riba un produkto òf servisio konkreto, pero mas bien riba aktitut di partidonan riba nos merkado ekonómiko.

Lei di kompetensia ta trahá pa promové kompetensia sano i transparente dor di kombatí:

- Formashon di kartèl;

- Mal uso di un posishon fuerte di un partido riba

merkado;

- Fushon i atkisishon ku por debilitá e eskoho di

un konsumidó.

Den e sekshon aki nos ke purba di duna algun ehèmpel konkreto i simpel di situashonnan den kua un lei di kompetensia ie Outoridat di Kompetensia lo traha den benefisio di konsumidónan.

Kartèl ta enserá ku dos òf mas komersiante ta traha afspraknan pa limitá kompetensia. Nan por traha afsprak pa bende sierto produkto na un sierto preis, pero tambe por tin afspraknan pa dividí merkado entre nan, hisa drèmpel pa otro komersiante subi nan merkado spesífiko òf pa saka otro kompetidó for di merkado. Si nos lesa e kontenido di e artíkulo, publiká riba Caribisch Netwerk riba 17 di òktober 2014, nos ta mira ku e realidat ta ku na Kòrsou tin trahamentu di afspraknan di preis entre komersiantenan. Un sektor den kua hopi biaha sa tin trahamentu di afsprak di preis ta e sektor di konstrukshon kaminda kontratistanan ta palabrá adelantá pa kuantu sèn kada un ta inskribí pa un destaho públiko di proyektonan di konstrukshon. Asina nan ta dividí proyektonan entre nan i tene preisnan artifisialmente haltu.

OUTORIDAT DI KOMPETENSIA:

Fásil i simpel spliká

Formashon di kartèl: afsprak di preis den supermerkadonan