Konsumidó Alertá Volumen 23, febrüari 2016 - Page 14

Kon pa usa Érko

Pone atenshon na konsumo di

energia i kontrolá e gas den e èrko tambe. Si bo no ta eksperto, yama un profeshonal pa nan bin kontrolá òf yena gas den e aparato. Ekseso di preshon, lèkashe òf otro defektonan por afektá funshonamentu i efektividat di e aparato.

Aislamentu ta e punto klave.

Kontrolá si bo porta i bentananan ta bon será ora bo tin bo èrko sendé. Esaki ta fasilitá e friamentu di e espasio i ta evitá e gastamentu di koriente.

Otro manera pa spar koriente

ta evitá ku e aparato keda sendé ora no tin niun hende den e kamber òf kas. Programá e èrko na un temperatura i ku e ora ku esaki mester stòp òf kuminsá traha bek. Ora bo ta bai drumi, hasi uso di e método di “sleep” òf “night” i asina e aparato ta paga outomátikamente despues di por ehèmpel 6 ora den funshon.

No stoba e parti pafó di e èrko.

Semper evitá tapa e entrada i salida di e airu di e kòmpresor, ya e no tin nodi di traha fòrsá.

KOMPARÁ I KUMPRA

Un èrko ta un bon manera pa kombatí kalor den e temporada aki i mantené un temperatura fresku i agradabel den bo kas. Aki ta sigui algun konseho pa yuda bo pa no gasta di mas i hasi un mihó uso di bo èrko.

Bo ta bai instalá un erko na bo kas?

Kompará ora bo ta kumpra, i wak bon kuantu potensha (BTU) bo tin mester promé ku bo kumpra pa no resultá ku e èrko no ta akapará e espasio. Bo tin e aparato kaba, un konseho ta pa bo hasi mihó uzo di esaki. Un regla di oro pa bo redusí uso di bo èrko den e temporada di mas kalor di aña ta di evitá di eksponé e espasio na lus di solo direkto durante di dia. Sera bentana- i kortinanan, asina bo kas lo keda mas fresku.

Hasi mihó uso

No pone fluho di airu friu

direktamente riba e personanan. Esaki no ta agradabel i tampoko bon pa salú di hende. E aparatonan aki normalmente ta permití sirkulashon variabel regularmente i konforme ku e distansha, tantu horizontal komo vertikalmente.

Ahustá temperatura entre

24 y 26 grado Celsius. Esei ta sufisiente pa kombatí e airu kayente sin gastunan haltu di koriente. Si bo pone e èrko na un temperatura di 5 grado mas abou ku e temperatura pafó, lo bo haña kaba e sensashon di airu fresku paden.

Kon un siguidó di moveshon ta funshoná?

Tur siguidó ta usa un sensor pa opservá movementunan. Hopi biaha e sensor aki ta konektá ku kòmpiuter òf telefòn selular pa por warda informashon di bo aktividatnan diario. E tipo di aktividatnan ku ta wòrdu opservá ta dependé di kada siguidó. Por lo general nan ta inkluí, kantidat di stapnan ku bo kana pa dia, kantidat di kaloria ku bo konsumí, kantidat di ora ku bo drumi, ritmo di kurason, temperatura di kútis i nivel di sodó. Virtualmente tur siguidó ta usa un tipo di meter ku ta midi e velosidat di moveshon di un opheto den transkurso di tempu. E meter aki tin kapasidat pa midi kantidat di stapnan i otro moveshonnan.

Kualidatnan adishonal

Algun siguidó tin sensornan ku tin algun kualidat adishonal. Tin sensornan ku por opservá ritmo di kurason durante di ehersisio i durante di dia. Si e siguidó tin un “Gyroscope” e por determiná na ki momentu bo ta riba pia, sintá, deskansando, landando, koriendo baiskel òf hasiendo algu otro. Tin algun siguidó ku tin GPS i por indiká unda bo ta. Tambe tin siguidó ku ta disponé di un “Magnetometer” ku por detektá moveshonnan spesífiko i determiná kua direkshon bo ta bayendo. Tin siguidó ku tin tambe un barometer, ku ta determiná haltura. Esaki ta wòrdu usá pa kalkulá kuantu trapi bo a subi durante di dia.

Tin algun siguidó ta duna posibilidat pa sinkronisá e aparato ku un kontroladó di kurason eksterno, ku un balansa di baño inteligente òf otro aparatonan ku ta duna datonan mas eksakto. Kombiná ku un software òf aplikashon di telefòn (òf asta otro aplikashonnan eksterno na algun okashon), siguidónan por duna bo un bista di e kustumbernan/patronchinan ku ta forma bo estilo di bida.

Otro modelonan ta ofresé oloshinan inteligente ku ta duna posibilidat pa risibí yamada, manda mensahe òf meil. Tambe tin siguidó ku tin e posibilidat pa duna motivashon, por ehèmpel den forma di retonan, símbolonan, interakshon ku amistatnan konektá virtualmente i alarmanan ku ta señalá e momentu pa hasi ehersisio. Tin di e aparatonan aki ta bai asina leu, te ku nan ta ofresé e posibilidat pa kompartí sierto informashon ku dòkter personal.

Tipo di siguidó

Siguidónan di moveshon ta diseñá pa akomodá un kantidat di rekisito. Si bo ke sa solamente kuantu stap bo ta kana pa dia, ta konsehabel pa bo buska un siguidó di henter dia (all-day tracker). Si bo ke detaye di velosidat, ritmo i asosiashon di bo pasonan, e ruta ku bo ta hasi ehersisio riba dje, buska un siguidó di entrená. E modelo aki ta proveé informashon spesífikamente pa rutina di landadónan, hungadó di gòlf, hendenan ku ta hisa peso òf atletanan ku ta kore máratòn. Siguidó di henter dia ta midi, kuantu stap bo a kana, kantidat di trapi ku bo subi, durashon di ehersisio, kantidat di kaloria ku bo kima, kantidat di kaloria ku bo konsumí, minütnan aktivo i kantidat di ora ku bo drumi. Siguidó di entrenamentu ta midi tur lokual ku siguidónan di henter dia ta hasi, inkluso midi ritmo di kurason, patronchi di hala rosea, distansia ku hasi ehersisio, velosidat, ritmo i ruta, kantidat di tempu di landa, kambio di altura, kòntròl di músika.

UN GUIA PA DESKUBRÍ E SIGUIDÓ DI EHERSISIO MAS ADEKUÁ

PA BO PRESUPUESTO, KONDISHON FÍSIKO, ESTILO DI BIDA I SENTIDO DI MODA

KUA TA KUADRA MAS KU BO?

Nos ta bibando den un époka ku hopi hende tin meta pa kuminsá òf optimalisá nan hasimentu di ehersisio. Tin hende ta usa aplikashonnan riba nan telefòn mes pa hasi ehersisio, pero tin otronan ku ta konsiderá pa kumpra un “siguidó di moveshon”. Un siguidó di moveshon, na ingles mihó konosí komo “Fitness tracker” por ta un bon motivashon pa hasi ehersisio; e ta útil pa opservá i midi aktividatnan físiko. E por ta adekuá por yuda alkansá metanan físiko ku un persona proponé.

Tene na kuenta: “Un siguidó di moveshon ta meskos ku miembresia di un gimnasio, e ta benefisioso solamente si bo hasi uso di dje.

SIGUIDó DI MOVESHON

Promé ku bo tuma un desishon, tèst e aplikashon ku ta kompañá e siguidó den e tienda di aplikashonnan di Apple òf den Google Play pa sigurá ku e ta kuadra ku bo espektativanan.