Konsumidó Alertá Volumen 1, novèmber 2013 - Page 4

DEN CHIKÍ

DESEO

NESESIDAT

Spar pa un meta i pone e sèn riba un otro kuenta. Bo ta yega na bo meta mas fásil i lihé asina i tambe bo ta sa presis kuantu mas bo tin ku spar pa bo alkansá bo meta.

PROMÉ KU BO KUMPRA...

Hasi bo mes e siguiente preguntanan ora bo ke kumpra algu:

•Mi mester di dje aworaki?

•Kiko lo pasa si mi no kumpr’é? Esei lo ta un problema? mi por sin dje?

• Mi por pag’é?

•Mi por paga mi otro kosnan si mi kumpr’é?

Ser sinsero ku bo mes na momentu di kontesta e preguntanan aki i lo bo keda sorpresá di ripará ku bo a gasta muchu menos sèn ku bo mes a imaginá.

SPAR KU UN META

BO PRESUPUESTO

E DIFERENSHA ENTRE NESESIDAT I DESEO

Garantia pa un bida finansieramente benefisioso ta ora ku abo komo mayor, e pilar di mas importante den bo famia, ta konsiente di e importansha di un bon maneho di sèn. Ta konsiente di esaki, no solamente lo yudabu oumentá bo bienestar finansiero pero tambe dunabu un perspektiva mas positivo di bida por lo general. Importante ta pa abo mayor traspasá e bon kustumber aki pa bo yunan for di chikí.

E meta kardinal ta pa siña bo yunan distinguí e dos términonan for di otro: Nesesidat i Deseo. Sin e base fundamental aki, bo yu lo por hañ’é ku problema pa manehá su situashon ora e ta un adulto.

Un presupuesto ta un proyekshon di bo entrada (sèn ku nos ta gana òf haña) i bo gastunan pa luna. Meta i ophetivo prinsipal di un presupuesto ta pa bo tin mihó balanse di bo bida finansiero. Traha tur luna un lista di bo entrada i gastunan, traha lista di kada kos ku bo mester kumpra i tene bo mes na esaki. Kòrda semper pone sèn den banda pa gastunan inesperá. Reservá tur luna un montante pa gastunan manera seguro di outo, belasting i buki di skol pa bo yunan. Esaki nan ta gastunan ku ta presentá un of dos bia pa aña. Si ta fakansi bo ke bai, plania esaki for di trempan i tur luna reservá un montante pa esaki.

Bo ke sa mas? Den 2014 Fundashon pa Konsumidó ta sigui ku su kursonan di presupuesto. Pa mas informashon por tuma kontakto ku nos na info@fundashonpakonsumido.org

VIDEO

VIDEO