Konsumidó Alertá Volumen 1, novèmber 2013 - Page 19

Kiko ta Dengue?

Dengue ta un malesa infeksioso ku ta wòrdu transmití via di un piká di e sangura “Aedes aegypti” mihó konosí komo e sangura pata blanku. Ounke ku e malesa di Dengue no ta unu grave, e por lagabo sinti hopi malu i te asta e por ta un menasa serio, spesialmente serka personanan ku malesa króniko manera diabétis, asma òf sikkelcel.

Síntomanan di Dengue

e síntomanan di Dengue ta hopi paresido na síntomanan di grip. Keintura, Kalafriu, Doló di kabes severo, doló di múskulo i skarnirnan, doló tras di wowo i grawatashi por sirbi komo señal di alerta. Ta rekomendabel pa aserka bo dòkter di kas mesora si den dado kaso bo kuminsá síntomanan manera: kambio repentino di keintura pa soda friu i bira blek, doló di barika hopi severo, sakamentu konstante, sangramentu, difikultat pa hala rosea òf kambio den estado mental(beis, konfushon, sin grasia).

Tratamentu

Ta bon pa duna di konosé ku aktualmente NO tin un vakuna kontra di e malesa di Dengue. No tin un remedi òf tratamentu spesífiko. Loke si ta konsehabel ta pa bebe hopi líkido pa prevení deshidratashon i tambe pa sosegá hopi. Produkto ku ta kontené acetaminophen (den boka di pueblo paracetamol) ta keda rekomendá pa uza komo ku esaki ta kontrolá e keintura i aliviá e doló.

Ta estriktamente prohibí pa uza Aspirin, produktonan ku ta kontené Aspirin.

2012 205

2011 923

2010 1104

2009 534

2008 1158

Tur aña di nobo den e lunanan òktober, novèmber i dezèmber Kòrsou ta keda konfrontá ku hopi áwaseru. E temporada húmedo aki ta permití e sanguranan buta webu den plasnan di awa trankil i limpi i asina multipliká. Mas ku klaro esaki por trese konsekuenshanan ku por afektá nos salú. E malesa di Dengue ta un ehèmpel klave di esaki.

Registrashon di kasonan di Dengue

Fundashon pa Konsumidó, konsiente di e kantidat grandi di personanan ku a keda diagnostiká ku e malesa di Dengue durante aña nan anterior ke duna Ministerio di Salubridat, Medio Ambiente i Naturalesa un man den nan trabou di prevenshon di Dengue.

Durante e delaster 5 añanan tras di lomba Kòrsou a konosé un kantidat basta grandi di registrashon di Dengue. Tira un bista riba e siguiente tabèl.

Aña Kantidat di persona

registrá ku Dengue

Prevenshon den bo mes ambiente

E sangura Aedes aegypti ta biba den serkania di hende, pasó e ta brui den awa trankil i limpi pará den kualke opheto rondó di kas. P’esei ta nesesario eliminá tur lugá di brui pa baha e kantidat di sangura i asina prevení Dengue.

-Kita òf deshasí di tur opheto ku por kontené awa, tirá rondó di kas manera: bòter, bleki, tayo, stof, frishidèr, wasmashin i outo.

-Bou di kondishon ideal webu di sangura por keda bon te ku un aña kaminda e sangura mes a but’é . Limpia semanalmente ophetonan manera vas di flor, skòter di mata, baki di bestia i barí di awa. Uza un spòns ku banda gròf òf un skeiru duru pa eliminá e rant di webu for di e ophetonan aki.

-Abate ta mata larva di sangura den awa promé ku e kambia bira sangura. Por uza Abate den e ophetonan ya menshoná. E ta optenibel ku informashon di su uzo korekto na Asuntunan Médiko i di salú (Zakitó).

-Pa baki di awa ku no ta tapá por uza piská chikitu òf por konsulta profeshonalnan na Zakitó pa un tratamentu korekto.

Sangura por pika kualke ora di dia pero ora solo ta saliendo i ora solo ta bahando ta e momentunan di tòp aktividat.

Evitá di ta pafó i konsentrá riba medidanan preventivo durante e oranan aki pa redusi kualke tipo di riesgo.