Kanguq | Page 20

ᑐᑭᓯᓕᐅᒥᕐᔪᐊᓚᐅᔪᒐᒪ ᓱᓇᓂᒃ
ᐅᑉᐱᕆᔭᖃᕐᐸᓂᕐᒪᖔᑦ ᖃᓄᕐᓗ
ᑐᓂᒪᓂᖃᕐᓂᒪᖔᑦ ᑯᐊᐸᓐᓂᒧᑦ.
ᖃᐅᔨᒪᓚᐅᕐᓯᒪᓚᐅᔪᖕᖏᓇᒪ
ᖃᓄᐃᓕᐅᕐᓱᓂ ᐃᓚᒌᓴᖅ
ᐱᒋᐊᓚᐅᕐᓂᒪᖔᑦ, ᑭᓯᐊᓂ ᑕᒫᓂ
ᐱᓇᓱᐊᓕᕋᒪ, ᐃᓕᑦᓯᔫᒥᔪᒻᒪᕆᐅᓚᐅᔪᕗᖓ
ᖃᓄᓪ
ᓗᐊᑎᒋᐊᓗᒃ ᐃᓄᐃᑦ
ᐱᓇᓱᐊᕐᑐᐊᓘᕙᓚᐅᕐᓂᒪᖔᑕ ᐅᓪ
ᓗᒥᒧᑦ
ᐃᓅᓯᕆᓕᕐᑕᒥᓄᑦ ᑎᑭᐅᑎᒐᓱᐊᕐᓱᑎᒃ,
ᑖᑦᓱᒥᖓ ᐃᓚᒌᓴᒥᒃ ᐱᖃᓕᕐᓱᑎᒃ
ᐃᑲᔪᕐᑎᒋᐊᓗᑦᓴᓕᕐᑕᒥᓂᒃ ᓄᓇᓖᑦ
ᐱᕙᓪᓕᐊᑎᑕᐅᒐᓱᐊᕐᓂᖏᓐᓄᑦ.
ᐃᓕᑦᓯᔭᑐᐊᖃᓚᐅᔪᖕᖏᒥᔪᖓ
ᐱᕙᓪᓕᐊᓂᑐᐃᓐᓇᖏᓐᓂᒃ ᑯᐊᐯᑦ,
ᐃᓕᑦᓯᓚᐅᔪᒻᒥᔪᖓ ᐃᓄᐃᑦ
ᐃᕐᖃᓇᕐᑐᖁᑎᖏᓐᓂᒃ. ᐊᒥᓱᐊᓗᓐᓂᒃ
ᐅᓂᒃᑳᓂᒃ ᑕᑯᓚᐅᔪᕗᖓ ᐃᓄᐃᑦ
ᐅᓂᒃᑳᑐᐊᖏᑦᑕ ᒥᑦᓵᓄᑦ ᑕᑯᒋᐅᖃᑦᑕᓱᖓᓗ
ᐊᑦᔨᒌᖕᖏᑐᓗᑲᐅᑎᒻᒪᕆᓐᓂᒃ ᐊᒥᓱᓂᒃ
ᐃᓄᐃᑦ ᒥᑦᓵᓄᑦ ᕿᒥᕐᕈᐊᒐᓕᐊᕆᔭᐅᓯᒪᔪᓂᒃ
ᑐᓴᕋᑦᓴᐅᕙᓚᐅᕐᑐᕕᓂᕐᓂᓗ ᐊᓪᓛᑦ 1960
ᐊᕐᕌᒍᖏᓐ
ᓄᑦ ᑎᑭᑦᑐᓂᒃ. ᐃᓚᒌᓴᖅ
ᐊᒥᓱᐊᓗᓐᓂᒃ ᑐᑭᓯᓂᐊᕐᕕᓵᓗᓐᓂᒃ
ᐊᑐᐊᒐᖁᑎᓕᒃ ᓯᑯᑦᓴᔭᖕᖑᑎᑕᐅᓯᒪᔪᓂᓗ
ᐅᓂᒃᑳᓂᒃ ᐊᑦᔨᒌᖕᖏᑐᓂᒃ ᐅᓂᒃᑳᓱᑎᒃ,
ᐅᓂᒃᑳᑐᐊᓕᐊᖑᓯᒪᔪᓂᒃ ᐃᓄᐃᑦ
ᒥᑦᓵᓅᓕᖓᑦᓱᑎᒃ ᐊᓪᓛᑦ Plato
ᐅᓂᒃᑳᓕᐊᕕᓂᒐᓴᖏᓐᓂᒃ.
ᐃᓕᑦᓯᕕᒋᔭᑐᐊᕆᓚᐅᖕᖏᑕᕋ
ᐊᑐᐊᒐᖃᐅᑎᒃ ᐃᓕᑦᓯᔫᒥᑎᑕᐅᒻᒪᕆᓚᐅᕐᒥᒐᒪ
ᐊᖓᔪᕐᖄᕆᓚᐅᕐᑕᕋᓂᑦ
ᓖᓴ