Kanguq - Hiver/ᐅᑭᐅᖅ/ Winter 2016 - Page 8

Québec (CCQ) ᑯᑦ, ᐲᑕ ᐊᓱᐃᓚᒃ ᑐᖕᖓᓂᓕᕐᑎᕆᓕᓚᐅᕐᓯᒪᕗᖅ ᐃᓚᒌᓴᖓᓂᑦ ᑯᐊᐯᑦ ᑯᐯᒃ ᑕᕐᕋᖓᓂ (ᐃᓚᒌᓴᖅ) ᐱᓇᓱᖃᑎᖃᕐᓱᓂ ᐊᒥᓲᖕᖏᑐᓂᒃ ᐃᓄᓐᓂᒃ ᐃᓚᖃᕐᑎᓗᒋᑦ ᐊᓪᓚᒥᒃ. ᐱᓇᓱᐊᖃᑎᖃᕐᓱᓂ ᑕᓪᓕᒪᓂᑦ ᓄᓇᓕᓐᓂᑦ ᐅᑯᓇᓂ ᐱᓯᒪᔪᓂ, ᑲᖏᕐᓱᐊᓗᔾᔪᐊᖅ, ᐳᕕᕐᓂᑐᖅ, ᑰᔾᔪᐊᖅ, ᑰᔾᔪᐊᕌᐱᒃ, ᑲᖏᕐᓱᓗ. ᖃᐅᔨᒪᑦᓯᐊᓂᖓ ᐃᓄᐃᑦ ᐃᓗᕐᕈᓯᖓᓐᓂᒃ, ᐃᓄᓐᓂᓗ ᓲᓱᑦᓴᓂᖓ ᐃᑲᔪᒻᒪᕆᑦᓯᒪᕗᑦ ᐃᓄᓐᓂᒃ ᐃᓕᓭᓯᑎᓪᓗᒍ ᖃᓄᖅ ᑯᐊᐯᑦ ᐱᐅᓯᖃᓲᒍᒻᒪᖔᑕ, ᑐᖓᓕᐊᒍᓪᓗ ᐃᑲᔪᕐᓱᑎᒃ ᐃᓄᐃᑦ ᓄᓇᓕᖏᓐᓂᒃ ᑯᐊᐸᓕᐅᖃᑎᒋᑦᓱᒋᑦ. ᓘᓯᓪᓗ, ᐊᕐᓇᖓ, ᐃᑲᔪᖃᑎᒌᑦᓯᒪᔫᒃ ᐅᖃᐅᓯᕐᓂᒃ ᑮᓇᐅᔭᓕᕆᓂᕐᒧᐊᖓᔪᓂᒃ ᐅᖃᐅᓯᓕᐅᕐᓱᑎᒃ ᐃᓄᑦᑎᑑᕐᑐᓂᒃ. ᑕᕘᓇᑕᒐ ᐃᓄᐃᑦ ᑯᐊᐸᒥ ᑲᑎᒪᔩᑦ, ᑲᒪᔨᖁᑎᖏᓪᓗ ᐊᐅᓚᑦᓯᔨᖕᖑᕈᓐᓇᓯᓚᐅᕐᓯᒪᕗᑦ ᖃᓪᓚᓈᖅᑎᑐᑦ ᐃᓕᓐᓂᐊᕕᒻᒥ ᐃᓕᓐᓂᐊᓯᒪᖕᖏᑲᓗᐊᕋᒥᒃ, ᐱᔪᓐᓇᓯᓯᒪᕗᑦ ᑯᐊᐸᒥᓂᒃ ᐊᐅᓚᑦᓯᒍᓐᓇᓯᑦᓱᑎᒃ ᑌᒣᓕᖓᔪᒃᑯᑦ. ᐱᓇᓱᖃᑎᒋᖃᑦᑕᓯᒪᔭᖏᑦ ᐃᓚᒌᓴᒃᑯᓂ, ᐃᓱᒪᖃᓲᒍᕗᑦ ᐲᑕᒥᑦ ᐃᓚᓐᓈᖃᕐᓂᒥᑦ, ᐱᒋᐅᕐᓴ­ ᑎᓯᔨᖃᕐᓂᒥᓂᑦ, ᐃᓚᕋᓀᑦᑐᖁᑎᖃᕐᓂᒥᒃ, ᐃᒫᙰᕐᑎᖃᕐᓂᒥᒃ, ᐊᒻᒪᓗ ᐊᑖᑕᖕᖑᐊᖃᕐᑑᔮᕐᓱᑎᐊᓪᓚᑦ. ᐃᓕᓐᓂᐊᑎᑦᓯᖃᑦᑕᓯᒪᔪᖅ ᐃᓄᑦᑎ­ ᑑᕆᐅᕐᓴᑫᑦᓱᓂ ᐊᒥᓱᓂᒃ. ᐱᐅᓯᖃᕐᓱᓂᓗ ᐅᖄᖃᑎᖃᑦᓯᐊᕈᓐᓇᓱᓂ ᑭᓇᐅᒐᓗᐊᕐᐸᑦ, ᐃᓚᓐᓈᑕᖕᖑᓱᑦᓱᓂ. ᐱᓇᓱᐊᖃᑎᒥᓂᐅᒐᓗᐊᖅ. ᓄᕐᖃᓚᐅᕐᓯᒪᔪᖅ ᐃᓚᒌᓴᒃᑯᓂ ᐃᓄᒻᒪᕆᖕᖑᓯᒪᓕᕐᓂᒥᓄᑦ 1997ᒥ. ᓈᔨᓯᒪᑦᓱᓂᓗ 30ᓂ ᐊᕐᕌᒍᓂ ᑲᒪᔨᒻᒪᕆᐅᑦᓱᓂ. ᐃᓅᓯᓕᒪᒥᑎᒍᑦ ᓱᓕᓱᓕ ᓄᕐᖃᔪᐃᑦᑑᒐᓗᐊᕐᓱᓂ. ᐲᑕ ᐃᓱᒪᒋᔭᖃᕐᓯᒪᔪᖅ ᐃᓄᐃᑦ ᓇᒻᒥᓂᕐᒥᑎᒍᑦ ᒪᑭᑕᒍᓐᓇᑐᕆᑦᓱᒋᑦ, ᐃᓚᒌᓴᕐᒧᑦ ᐃᑲᔪᕐᑕᐅᓗᑎᒃ. ᐃᓱᒪᒍᓯᐅᔪᖅ ᐱᓂᐊᕐᓂᖑᕐᑎᓯᒪᔭᖓ ᑌᔭᐅᔪᖅ ᐊᑕᐅᑦᓯᑯᑦ - ᐃᓅᖃᑎᒌᑦ ᐱᕙᓪᓕᐊᕋᓱᐊᕐᑐᑦ ᕿᒪᒐᐅᑎᑦᑌ­ ᓕᑦᓱᑎᒃ. ᑕᒪᑦᓱᒪ ᑯᐊᐸᖃᑎᒋᓐᓂᐅᑉ ᓄᓇᕕᒻᒥ, ᐃᓚᐅᖃᑕᐅᔪᒻᒪᕆᐅᕗᖅ ᓱᓕ ᑐᓂᓯᒪᓂᖓ 50ᑦ ᐊᕐᕌᒍᓄᑦ ᐅᖓᑖᓄᕐᑐᓂ, ᐱᓇᓱᐊᖃᑎᖃᕐᓯᒪᓂᖓᑎᒍᑦ ᐃᓄᓐᓂᒃ. ᐊᖓᔪᕐᖄ ᐋᓕᕙ ᑐᓗᒐᖅ ᐅᓂᑳᓯᒪᔪᖅ ᐲᑕᐅᑉ ᒥᑦᓵᓄᑦ, ᓴᓪᓗᓚᐅᕐᓂᒪᒍᖅ ᐅᑭᐅᒥᓂᒃ ᓴᓪᓗᒍᑎᖃᕐᓱᓂ. ᓴᓪᓗᖏᒃᑯᓂ ᐃᓅᓱᑦᑑᓗᐊᕐᓂᕋᒥ 6 KANGUQ Hiver/Winter 2016 ᐱᓇᓱᑦᑎᐅᒋᐊᒥᒃ, Newfoundlandᒥ. ᑌᑦᓱᒪᓂ ᐊᑦᓱᔫᓂᒃᑰᒐᒥ ᐱᓇᓱᐊᒐᖃᕐᓗᓂ ᑭᓯᐊᓂᐅᑦᓴᕋᓗᐊ. ᐊᖓᔪᕐᖄ ᐋᓕᕙ ᑐᓗᒐᖅ ᐅᖃᐅᓯᖃᖅᓯᒪᔪᖅ ᐃᒪᒃ. “ᑭᒻᒥᕈᒥᑦ ᐃᓄᓐᓂᒃ ᖃᐅᔨᒋᐊᖕᖓᓯᒪᔪᖅ ᐅᑯᓂᖓᓗᐊᖕᖑᐊᖅ, ᑐᖕᖓᕕᓪᓚᕆᖏᓐᓂᓗ, ᐃᓱᒪᒍᓯᖏᓐᓂᓗ. ᐅᖃᕐᓯ­ ᒪᔪᖅ ᐃᓅᓯᕐᒧᐊᖓᔪᓂ ᐃᓕᓐᓂᐊᑎᑦᓯᔨᖃᖕᖏᓇᒥ. ᑕᑯᑎᑕᐅᓯᒪᔪᖓ ᑭᓯᐊᓂ ᐃᓄᐃᑦ ᓇᓪᓕᒍᓱᓐᓂᖏᓐᓂᒃ ᐃᓅᖃᑎᒥᓂ. ᑖᒥ ᒫᓂᖕ ᐊᓈᓇᖓᓄᑦ ᖁᓕᑦᑕᓕᐅᕐᑕᐅᒐᒥ, ᑕᐯᑦᓯᐊᓚᐅᕐᑐᕕᓂᖅ. ᖃᐅᔨᒋᐅᕐᓯᒪᔭᖏᑦ ᑌᑦᓱᒪ­ ᓂᐊᓗᒃ ᐃᓪᓕᕆᔭᕐᑖᕆᓯᒪᔭᖏᑦ ᐃᑲᔪᕐᓯᒪᓪᓚᕆᑦᑐᑦ, ᐃᓅᓯᖓᓄᑦ ᑐᖕᖓᕕᒋᔭᐅᓯᒪᑦᓱᑎᓪᓗ, ᐱᓂᐊᕐᓂᕆᕙᓐᓂᐊᓕᕐᑕᖏᓐᓄᑦ. ᐲᑕ ᐱᓇᓱᑦᑕᑐᐊᖃᕐᓯᒪᖕᖏᒪᑦ ᐊᓐᓇᐅᒪᔾᔪᑎᑦᓴᓂᒃ ᐱᕙᓪᓕᐊᑎᑦᓯᒐᓱᐊᕐᓂᒥᒃ ᓄᓇᕕᒻᒥ, ᐃᓄᓐᓂᒃ ᐱᒍᔾᔨᒍᒪᓂᖃᕐᓂᒥᑎᒍᑦ ᐃᓚᑦᓭᓇᕐᑎᓗᒍ. ᐃᓚᒌᒍᑦᓱᑎᓪᓗ ᐃᑲᔫᑎᑦᓴᓕᐅᓪᓚᕆᓯᒪᑦᓱᓂ ᓄᓇᕕᒻᒥ ᐃᓅᓯᖓᓄᑦ. ᒥᕐᖑᐃᓯᑦᓯᐊᓕᕆᑦ,