L-istudenta Maltija u l-istudenta Eġizzjana jiltaqgħu...
Studenta: Skużani, inti taf fejn qiegħda l-klassi tal-Ingliż?
Jiena:
Iva, ibqa’ miexja matul dan il-kuritur imbagħad dur fuq ix-xellug. Int għadek ġdida
ġo din l-iskola?
Studenta: Iva. Din hija r-raba’ skola li biddilt s’issa.
Jiena:
Vera? Imma għaliex?
Studenta: Jiena tifla Eġizzjana u ilni ngħix hawn Malta fuq sitt snin u peress li jiena m’għandix
ġilda bħal tagħkom, kulħadd jaqbad miegħi. Sfortunatament f’kull skola sibtha
diffiċli biex niġi aċċettata.
Jiena:
Mela miskina int! Suppost m’għandekx għalfejn tbiddel skola oħra issa, għax ġo
din l-iskola dejjem nitkellmu kontra r-razziżmu. Wara kollox, int x’jismek?
Studenta: Jiena jisimni Amira, għandi tnax-il sena u ngħix ġo appartament żgħir ġewwa
Bugibba. U int?
Jiena:
Jien jisimni Jahel u bħalek għandi tnax-il sena. Jien
għandi żewġ ħuti żgħar li jisimhom Sarah u Aaron.
Jiena wkoll ngħix ġo appartament, iżda fil-Mosta.
Studenta: Vera? Tgħix il-Mosta? X’taf tgħidli dwar il-Mosta?
Jiena:
L-aktar ħaġa li tolqot l-għajn fil-Mosta hija r-Rotunda,
knisja kbira b’koppla majestuża, iddedikata lil Santa
Marija.
Studenta: Ġol-Eġittu wkoll għandna affarijiet li jolqtu l-għajn, bħall-famużi piramidi u lIsphinx li ilhom jeżistu għal eluf ta’ snin u bosta turisti jżuruhom ta’ kuljum.
Jiena:
Hekk hu, l-Eġittu huwa post famuż ħafna. Il-Mosta kibret ħafna u ssib minn kollox,
fosthom ħafna ħwienet, ristoranti, ġonna u bandli. Jien togħġobni ħafna l-Mosta,
l-aktar f’Awwissu meta niċċelebraw l-festa ta’ Santa Marija. Intom tiċċelebraw
xi festi jew għandkom xi tradizzjonijiet oħra fl-Eġittu?
Studenta: Aħna norganizzaw ikliet mal-familja u l-platt tradizzjonali huwa l-ħaruf. Nixtieq
nistaqsik ukoll dwar it-temp f’Malta.
Jiena:
Fis-sajf tagħmel ħafna sħana u mmorru l-baħar u fix-xitwa t-temp jiksaħ, tagħmel
ix-xita u anke r-ragħad, imma ma jagħmilx silġ. U fl-Eġittu?
Studenta: Matul il-ġurnata tagħmel ħafna sħana iżda billejl t-temperatura titbaxxa ħafna.
Jiena:
Naqra temp stramb mela, imma nsomma. Isma’, daqqet il-qanpiena, jaqblilna mmoru
għal-lezzjoni. Narak mela!
Studenta: Ċaw u grazzi!
Jahel Bezzina