Insiru Poetiċi...!
In-natura
Kemm hi sabiħa n-natura
kollha kuluri,
siġar u fjuri,
u annimali ta’ kull tip.
Għasafar fis-sema,
żrinġijiet fl-ilma
u l-bebbux fil-qoxra tiegħu stess jistkenn.
Il-qattus ġo rokna
għall-kenn tax-xitwa.
U l-kelb jiġri fis-sjufija
tas-sajf.
Valentina Pia Selvaggi
In-Natura
Kif tgħaġġbek in-natura
b'kull tip ta’ kreatura.
Lanqas Da Vinci ma jegħlibha fil-pittura
in-natura
kif tisraqilna qlubna.
Rebekka Cardona
L-Arti
Nifkatar meta kont inpinġi
kelli biss tmien snin
kollox kont nagħmel
vażuni, siġar, frott
kull ħaġa li tiġi f’moħħok
imma żmien tal-lapes għadda
issa żmien taż-żebgħa
fjuri kkuluriti u xeni veru sbieħ.
Indendilhom ġol-inkwatri
kuljum infarfar fihom
inħossni tassew kuntenta
bix-xogħol li għamilt
ma nixbax inħares lejhom
u nitpaxxa fl-arti tiegħi.
Danica Borg
L-Ittra
Tasal magħluqa sa wara l-bieb
mingħand il-qraba, mingħand il-ħbieb.
Lil kulħadd timla bil-kurżità,
B'seba’ mitt sena sabiex jaqraha.
Celine Azzopardi
Ħajja
Kull darba li titwieled tarbija ġdida,
kull darba jkun hawn tbissima bnina.
Il-ħajja hija ħaġa fraġli.
irridu nieħdu ħsiebha,
u hekk nagħmlu t-tjieba.
U b’hekk tassew li,
sempliċi għasfur,
għandu l-unur,
li jgħix ħajja tajba,
bla ebda tbatija.
Xi drabi jkollna l-ferħ,
xi drabi jkollna n-niket.
Iżda l-ħajja tibqa’ għaddejja.
Cassidy Calleja
Kemm Nixtieq
Kemm nixtieq li
Dak iż-żmien qatt
Ma telaq imma
Baqa’
Nostalġija kbira
Taqbadni meta
Niftakar f’dak il-jum
Tant sabiħ
Però donnok trid tgħid
X’kien dak il-jum?
Jiddispjaċini sieħbi però
Bil-kurżità se nħallik illum!
Adriana Vella