Զրուցեցինք Գյումրու Հովհաննես Թումանյանի անվան գրադարանի տնօրեն Լիլիթ Գալստյանի հետ, ով մեզ պատմեց իրենց գրադարանից օգտվող ընթերցողների մասին։
Նա ասաց, որ փոքր տարիքի ընթերցողները կարդում են հեքիաթներ, միջին տարիքի ընթերցողները ՝ արկածային գրականություն, իսկ մեծահասակները ՝ պատմական գրքեր։ Տնօրենը փաստեց, որ ընթերցողները նախընտրում են եւ ՛ հայկական, եւ ՛ արտասահմանյան գրականություն։
Գրադարանում կան նաեւ շատ հին՝ 1800-ից մինչեւ 1950-ական թվականների գրքեր։
Տնօրենի խոսքով նույնիսկ թվայնացված գրականության լայն տարածման դեպքում տպագրված գրքերը չեն արժեզրկվում՝ «Գրադարանը մնում է թվայնացված գրականության հիմքը», եզրափակեց Լիլիթ Գալստյանը։
Գյումրու փողոցներում անգամ կարելի է հանդիպել բազմաթիվ գրքեր վաճառողների։ Նրանցից մեկին մենք հանդիպեցինք Գյումրու կենտրոնական՝ Ռիժկովի փողոցում։ Երկար տարիներ է, ինչ նա այստեղ գրքեր է վաճառում, բայց երբ մոտեցանք նրան՝ հրաժարվեց զրուցել մեզ հետ։