VOORUITSIG
KLIMAATVOORUITSIGTE VANAF
OKTOBER 2016
Ons kyk met afwagting
en nuwe moed na die
vooruitsigte vir die nuwe
seisoen van 2016/17.
D
ie El Niño-toestande het die wyk
geneem en ons almal kan doen
met ’n beter vooruitsig van natter
toestande na die moeilike afgelope
paar jaar. Die vooruitsig is dat die La Niña-toestande sal versterk in die vroeë gedeelte van die
lente en somer. In Grafiek 1 word die waarskynlikheidsordegrootte van die voorkoms van La Niña-,
El Niño- en neutrale toestande aangedui oor tyd,
vanaf Augustus 2016 tot April 2017.
Die vooruitsigte vir die 2016/17 seisoen blyk beter
te wees. Die moontlikheid van ENSO neutrale
toestande verswak geleidelik met ’n moontlike
draaipunt rondom Desember 2016. La Niña-toestande toon ’n stygende tendens met ’n moontlike
draaipunt in Desember. Die La Niña-toestande
het gewoonlik vir ons die vooruitsig van natter as
normale toestande. Die verwagte temperature sal
nader aan die normale gemiddelde temperature
Grafiek 1: Grafiese vergelyking van ENSO 3.4 sone toestande Augustus 2016
wees met ’n sterk moontlikheid dat dit koeler as
normaal kan wees.
geneem moet word met die bemestingsbeplanning
vir die seisoen.
Deeglike beplanning rondom plantdatums moet
gedoen word met die moontlikheid dat hitte-eenhede in die nuwe seisoen laer as normaal kan
wees. Die hoër neerslae kan die uitwassing van
stikstofdraende voedingstowwe meebring, wat in ag
Produsente word aangeraai om dié weerstoestande
in ag te neem in hul beplanning en tesame hiermee
deeglike grondopnames of karterings te doen om te
verseker dat hulle die beste kans staan op ’n beduidende oesopbrengs die komende seisoen.
Saamgestel deur: Esmond Coen (Bemarking/Produkbestuurder).
Grasland Ondernemings – Verskaffers van landbou- en voerkalk.
Met erkenning aan die Wêreld Meteorologiese Organisasie, GFCSA en WNNR