E-Vespertino Edicion di 17 di December 2013 | Page 10

Otro fase di embeyecemento di Caya Grandi kedando cla Caya grandi awor por wordo mira den e bachi cu cual el a wordo diseña bou di Gabinete Mike Eman I. E ultimo pida puzzelnan ta wordo poni pa finalisa grandi parti di e fase aki di renobacion y revitalisacion di centro di Oranjestad. Den un declaracion duna door di ing. Marlon Croes, Hefe di Maneho na DOW, a wordo menciona cu e trabounan ta andando pa instalacion di tres fontein grandi pa centro di ciudad. Tin dos cu a wordo instala caba riba Plaza Dianiel Leo y Plaza Nikki Habibe. E testnan a wordo haci, keuring ta cla y solamente mester haci e conexion final. E di tres fontein cu mester wordo instala ainda ta esun entre Penha y La Moderna, Plasa Chipi Chipi. E tres fonteinnan aki ta incorpora den e diseñonan pa renobacion di caya grandi, e parti di streetscape, den cual a contribui profesionalnan local cu sosten di expertonan di University of Pennsylvania. Manera Prome Minister Mike Eman a splica recientemente ainda, e fonteinnan aki y tambe e belnan grandi, cu ta atrayendo hopi hende pa saca potret banda di nan, tin e meta pa crea un ambiente di compra agradabel pa esnan cu yega Centro di Compras na Playa. Ing. Croes di su banda a bisa cu “hende ta gusta awa” y den tur diseñonan cu a inclui fontein, esaki ta atrae e hendenan. Na Plaza Daniel Leo a dune un extra dimension door di incorpora e fontein riba un stage unda artistanan por duna nan presentacion. “Anochi cu e diferente tipo di luznan, e lo duna e area un otro dimen10 E-Vespertino.com sion y creando mas bida riba e plaza,” Croes a splica. E concepto di e fontein riba Plaza Nikki Habibe ta uno completamente nobo. E fontein ta encera henter e plasa, pero e plasa tin e forma di un ‘dish’, locual ta tene e awa den e centro di e plasa. E fonteinnan ta apenas un parti di e diseñonan di streetscape. Falta ainda e parti di musica, cu tambe lo mester crea un ambiente special den caya grandi di Oranjestad. Gobierno di Aruba ta hopi contento di mira tur e aspectonan diseña birando realidad, creando e empuhe necesario pa yena centro di Oranjestad cu bida.