A move edificio di MFA Noord
pa preserva kwihinan rond
ORANJESTAD – Management Team di MFA ta tene
cuenta cu tur aspecto rond
di e proyecto y mescos
cu kier preserva e custumbernan tipico di cada
bario, tambe ta pone atencion riba e parti ambiental.
Den e caso di e Facilidad
Multifuncional na Noord
cu ta bou di construccion,
a compronde cu a hala e
edificio cinco meter for di
e sitio original, pa asina
preserva e kwihinan rond
di dje. “For di comienso nos
a enfoca hopi riba ‘green’;
‘green’ den e sistema di
panelnan solar, pero tambe den landscaping hunto
cu Santa Rosa,” asina director di MFA, Anky Vrolijk
a duna di conoce.
“Na MFA Noord kier a proteha e kwihinan mas tanto
posibel. Pa esaki a move
e edificio un poco mas,
pa mantene e matanan di
kwihi na luga di kita nan
for di caminda.” E decision
a bin pa resguarda un di
varios palonan tipico aki
cu tin riba e tereno. Ta trata di palonan cu tin masha
hopi aña aki y cu ta brinda
hopi sombra tambe. Vrolijk a indica cu arkitecto di
e edificio, ir. Orlando Hoevertsz a sinta hunto cu tur
esnan concerni y a tuma
e decision aki. “E arkitecto tabatin como prioridad
pa conserva esakinan y a
logra tambe.”
Ademas di conserva e fauna cu ta caracteristico di e
bario, e palonan di kwihi,
manera a menciona, tambe lo brinda hopi sombra
na tur e bishitantenan di
e Facilidad Multifuncional
na Noord, sin laga afo cu
ta un contraste tradicional
banda di e diseño moderno di e edificio.
E-Verspectivo.com
7