Segun MEP
MEP: HULANDA TA HOPI PREOCUPA PA
SITUACION FINANCIERO DI ARUBA
MIKE EMAN PRONTO BOW CURATELA OF NAN TA
SKOP ARUBA FOR DI REINO HULANDES
Di diferente fuente ta bin
informacion cu gobienro
hulandes ta hopi, pero hopi
preocupa cu e situacion financiero di pais Aruba.
Apesar cu Aruba tin su autonomia riba tereno financiero, awor na Hulanda nan
a cuminsa sinti e riesgo
grandi cu Aruba ta nifica pa
henter Reino Hulandes cu e
situacion deplorable cu un
momento of otro, por rementa.
10
E-Vespertino.com
Tur esaki danki na e vision
di 5 strea di Mike Eman, pa
manda nos pais na bancarota. Y ainda, durante su discurso di dia 18 di maart, cu
un grito di desesperacion
kier purba conbense e secretario general hulandes van
Zwol,cu cifras no ta conta.
Sinembargo, e hulandesnan
sa cu cifranan ta papia palabra cla. Mike Eman a endeuda nos pais na un forma
cu nunca por a pensa.
Ningun otro pais den Reino
ta asina mal para manera
Aruba, y no tin ningun confiansa mas cu Mike Eman,
ni Juan David Yrausquin
por drecha esaki. Hulanda
tin duele di Yrausquin pero
sa tambe cu Yrausquin no
por hasi nada. E rapport di
MEP, “Feestvierend ten ondergaand” ta wordo usa pa
hopi experto financiero na
Hulanda, pasobra ta un rapport basa riba cifranan concreto y real. Y cifranan ta
papia palabra cla. Tin expertonan a avisa gobierno caba
cu si cosnan sigi asina, un
djis Hulanda ta skop Aruba
for di Reino Hulandes, pasobra nan no tin confiansa
den Mike Eman mas.
Ta importante pa pueblo realisa locual ta pasando na
Aruba, pasobra cu tanto cos
supuestamente bunita cu
nan a traha, ta mas dolor
y miseria nan a crea. Danki
na Mike Eman, y ainda falta!