DIABIERNA 29 AUGUSTUS 2013
ORANJESTAD: Recientemente Minister di Husticia y Enseñansa, Arthur Dowers a ricibi for di Francisco Goedgedrag dos documento, cual ta resultado di un investigacion pa su “afstudeerscriptie” pa su futuro carera como “gymleraar”. Minister Dowers ta satisfecho cu e interes di un yiu di tera cu a scoge pa inverti su energia den nos hobennan y haci un sondeo tocante kico ta motiva y move nan pa disfruta mas di e lesnan di educacion fisico. Goedgedrag ta basa su informacion completamente riba e situacion local y ta inclui factornan manera clima y cultura. Minister Dowers ta expresa e deseo di por wak h o p i m a s hoben local u z a Aruba como e “thuisbasis” pa nan scriptienan. E contribucion cu un hoben
Minister Arthur Dowers ta ricibi scriptie interesante di Francisco Goedgedrag
manera Francisco Goedgedrag ta haci – den e caso specifico aki - na e sistema di enseñansa ta hopi valioso, pero por wordo uza tambe pa crea actividadnan recreativo p’afo di nos scolnan dirigi na loke nos hobennan ta desea y di acuerdo cu nan interesnan. Goedgedrag a studia na Instituut voor Sportstudies di Hanzehogeschool na Groningen y a scoge pa traha su scriptie tocante “Factornan cu tin influencia riba e motivacion di alumnonan (12 pa 18 aña) pa lesnan di gym na Colegio Arubano”. Pa esaki el a duna les tres luna na Colegio Arubano hunto cu e team di docente di educacion fisico, di cual Karim Perez tabata su stagebegeleider, pa haya un impresion di e perfil di e alumnonan y pa crea su lista di pregunta. E les di “gym” ta un parti integral di e programa na tur scol y pa motiva e alumno su participacion mester puntr’e kico ta haci e lesnan atractivo p’e. Goedgedrag a produci dos documento, cual uno ta su afstudeerscriptie y e otro ta “Beach & Fun”. E ultimo aki ta contene descripcion extenso di diferente actividad, no solamente deportivo, pero tambe loke tradicionalmente ta wordo mira como recreativo, cu ta envolve movecion y cierto grado di planning di strategia. Esaki ta un forma pa
haci uzo maximo di nos recursonan natural, pa tene nos hobennan motiva pa medio di lesnan varia cu ta presenta sorpresanan dibertido, fuera di e “modelo” di les tradicional di gym. E programa aki a wordo “getest” cu e alumnonan di Colegio Arubano na Surfside, unda cu alumnonan di Ciclo Basico 2, HAVO y VWO 3 y 4 a participa y tabata inclui weganan diferente y sigur dibertido manera “Shark attack”, “Rups tikspel”, “Knopenspel” y “Harmonika”. Ademas a inclui wega y actividadnan tradicional manera traha kasteel di santo y futbol riba beach. E documento ta inclui tur informacion - di reglanan di wega te cu un ehempel di e formulario pa evaluacion di e alumno. Minister Arthur Dowers ta felicita y gradici Francisco Goedgedrag pa su esfuersonan, su interes den nos sistema di enseñansa y nos hobennan y pa su dos raportnan valioso cu lo sigur wordo poni na bon uzo na Colegio Arubano y otro institucionnan di enseñansa.