E-Vespertino Edicion 27 di September 2013 | Page 2

“Kulture” ta e prome “Nail Bar” pa
Aruba den Caya Grandi
ORANJESTAD – Caya Grandi
renoba y den revitalizacion
ta birando cada bes mas
atractivo pa comerciantenan, manera ta e idea di
Gabinete Mike Eman cu e
proyecto aki. Diasabra oficialmente e boutique trendy
“Kulture” a keda inaugura.
Propietarionan
Gionette
van Geest-Becker y Cherish

2

E-Vespertino.com

Beck ta masha entusiasma
cu e proyecto nobo pa Aruba den un centro di Oranjestad renoba y revitalisa.
“Inspiracion di Kulture a
nace cu e pensamento cu
e hende muhe semper kier
un tiki mas di loke un negoshi ta ofrece,” asina sra.
Van Geest-Becker, vocero di
e negoshi a splica. Kulture

ta algo diferente, ya cu e ta
ofrece servicionan di cosmetica pero tambe por haci
manicure y pedicure, den
un ambiente masha ameno,
ya cu por bebe algo na e
grillbar. Esaki specialmente
pasobra e muhe moderno ta
hopi druk y di e forma aki ta
combina diferente servicio
den un solo lugar.
Segun a wordo splica, e
concepto “Nail Bar” ta algo
conoci rond mundo, principalmente na ciudadnan
grandi, pero ainda no na
Aruba. E inversionistanan
a haya esaki algo masha
atractivo pa e muhe moderno di Aruba pa mima su
mes.
“Kulture” tin producto cu
otro establecimentonan di
e ramo no tin. Por ehempel e tin e linea “Collagen”,

specialmente pa cara cu ta
basa riba 24carat di oro, cu
ta specialmente pa “moisterize” e cara y ta na Kulture
so e por wordo haya.
“Caya grandi ta floreciendo.
Nos ta asina contento cu
nos a haya chens pa ta parti
di Caya Grandi, nos a haya
falta di e ambiente di famia
cu ta drenta Caya Grandi
hunto pa haci compras. Un
tradicion cu a bay perdi pa
un tempo, pero nos ta sigur
cu e ambiente aki ta bolbe.”
E doñonan a prepara nan
mes bon pa ta cla momento
cu e renobacion di centro ta
finalisando. “Nos tin hopi fe
y nos sa cu Caya Grandi ta
bay ta hopi productivo, nos
ta wak e cambionan. Pa tur
e empresarionan e ta bay ta
grandi,” e vocero a bisa.