Ringweg 3 ta crea caminda nobo,
overpass y 13 rotonde pa trece
siguridad y mehora fluho di trafico
Minister Sevinger na anochi di informacion
na Centro di Bario Playa Pabao
Gabinete Mike Eman
II ta haciendo preparacionnan pa Ringweg 3, miho conoci como Watty Vos
Boulevard, cu lo bay
crea un miho fluho
di trafico, hisa siguridad di trafico; mehora e fluho di trafico
di carga pero tambe
embeyece varios area
riba e ruta aki.
Tur esaki Minister di
Infrastructura Benny
Sevinger a splica na
habitantenan di e areanan concerni durante un anochi di informacion na Centro
di Bario Playa Pabao.
E evento tabata e
prome di un serie
di tres cu lo mester
tuma luga. Por a mira
cu esnan cu a acudi a
sigui e presentacion
di Minister Sevinger
atentamente y tabata kier sa cua ta e
cambionan cu lo por
mira den e proximo
añanan, pero principalmente si a tene
cuenta cu tur aspecto di siguridad. Esaki
por a destila di e diferente preguntanan cu
a wordo haci.
“Nos ta hopi contento
cu participacion di e
pueblo ... Hopi hende
di barionan anexo a
participa y hasta tin
hende di San Nicolas.
A bini hopi sugerencia
riba con nan ta mira
e caretera, pero principalmente e partinan
unda cu tin casnan,”
Minister Sevinger a
comenta na final di e
anochi. Tur e sugerencianan, el a agrega,
lo wordo tuma y hinca
mas tanto posibel den
e proyecto cu ta bay
destaho publico. “Gobierno ta contento cu
participacion di e ciudadanonan.”
E infrastructura actual di Aruba no ta
brinda espacio pa un
bon fluho di diferente
trafico y tampoco bon
conexion entre barionan. Por ehempel,
no tin un bon conexion entre e waf nobo
di Barcadera y e area
di hotelnan; Tin un
necesidad pa contribui cu un desaroyo social/economico
entre San Nicolas y
Oranjestad; Congestionamento di trafico
den Oranjestad ta un
problema y kier drecha e conexion entre
e diferente barionan
residencial cu e resto di e isla. Esaki ta
e problemanan cu a
traha riba nan den e
proyecto di Ringweg
3.
E proyecto aki, e
mandatario a splica
tambe, cada Gobierno
di e ultimo 40 aña a
traha un parti riba dje
y Gabinete Mike Eman
II a pone como su
prioridad pa ehecut’e
den cuadro di e Masterplan
Renobacion
Aruba. Ringweg 3 ta
importante pasobra e
ta bay crea un miho
conexion entre San
Nicolaas y zona di
hotel (algun mil persona di pariba brug ta
perde practicamente
2 ora pa dia pa bay y
bolbe for di trabou);
na di dos luga, e ta
trece siguridad riba e
caretera, door di crea
2 via pa ambos banda
di caminda (ta e elimina e peliger cu ora di
autonan pasa otro ta
confronta otro); door
di mudamento di waf
pa Barcadera mester
crea un bon fluho di
trafico pa e 70% di
containernan cu ta
bay pa zonanan di hotel; e caretera nobo ta
trece un miho conexion cu e barionan cu
ta cay riba e caminda
nobo aki y alivia e
trafico den centro di
ciudad.
E proyecto ta encera
cu ta bay construi: 7
kilometer di caminda nobo di dobel via
(2x2); ta reconstrui
10 KM (L.G. Smith
Blvd., Ponton, Noord)
y 4.5 km na low-rise;
17 km di caminda pa
bicicleta; ta bay bini
13 rotonde y tambe ta
construi 2 overpass.
E compania cu gana
e destaho publico pa
e trabou aki mester
percura tambe pa
mantencion
(regular, reconstruccion y
reparacion) y financiamento di e proyecto. E contracto lo tin
un duracion di aproximadamente 22.5 aña
(construccion y mantencion) mientras cu
e periodo di construccion mas lo ta mas o
menos dos aña y mey.
E-Verspectivo.com
9