E-Vespertino Edicion 26 di September 2013 | Page 7
Gabinete Mike Eman a haya mas cu
4 mil peticion pa verkeersplateau
wordo construi rond Aruba
ORANJESTAD – Dialuna
mainta
Prome
Minister
Eman y su colega di Infrastructura Benny Sevinger a
bishita Semeleerstraat pa
presencia finalisacion di e
proyecto pa construi diferente
“verkeersplateau”
cual tin como meta frena e
velocidad di trafico di e area
habita aki. Esaki ta e prome
bario di Noord unda cu e
plateau aki a wordo instala,
segun Minister Sevinger a
splica durante un breve encuentro cu prensa. “Minister
President a bati na mi porta
y el a bisami cu esaki ta un
di e prioridadnan cu tin y e
prome caya cu mester haya
esaki ta Semeleerstraat.”
Na mes momento e mandatario a bisa cu despues di
esaki a drenta masha hopi
peticion, rond di 4 mil, pa
nan wordo instala rond di
Aruba. E ekipo di InfraTeam
hunto cu DOW a traha hunto
pa crea algo special pa Aruba y a wordo diseña door di
e team di Marlon Jacobs di
DOW. E tin material cu ta
refleha e luz specialmente
pa automobilistanan tin un
miho visibilidad.
Minister Sevinger a sigura
habitantenan cu tin mas
proyecto pa area di Noord
y a menciona por ehempel cu tin un Facilidad Multi
Funcional (MFA) na Noord,
ta finalisando tambe diseño
di Montserat. Pero tin hopi
mas cu esaki. Prome Minister Eman na inicio di su
discurso a splica cu e habitantenan di Semeleerstraat
ta alabes e bosnan tambe
di Montserat y di e casnan
di pueblo pa loke ta nan
preocupacionnan. E mandatario a recorda con durante su bishita den bario
hopi di e grandinan, pero
tambe hoben, a papia cune
di e necesidad di areanan
di recreacion pa e bario, pa
principalmente e muchanan por practica deporte.
Pa esaki Gobierno ta trahando cu FCCA riba un pida
tereno unda ta bay construi
un cancha deportivo. Cu e
necesidad ta existi pa un
area di recreacion a keda
constata momento cu a
hiba Pannabol den e bario.
“A constata cu falta arean-
an di recreacion den forma mas permanente na
Montserat y bisindario,”
Prome Minister Eman a
bisa. Otro proyecto pa e
area ta luznan LED pa e
casnan di pueblo den reemplaso di esnan actual cu
ta hopi bieu. “Montserat ta
bay conoce, mescos cu nos a
haci na Juwana Morto, Yara
y Pos Chikito, Village, Bushiri, esta cambionan hopi
grandi pa mehora calidad di
bida.” E cambionan ta varia, ya cu por ehempel den
caso di casnan propiedad di
e ciudadano mes, Gobierno
lo no por haci renobacion
pero si por pidi FCCA facilita
hipoteca pa e ciudadanonan
mehora nan vivienda, pero
den e infrastructura si Gobierno por haci cambionan
grandi. Mester tin areanan
bunita di troittoir cu klinker,
area pa staciona auto, pero
tambe areanan pa personanan por cana y mata banda di caminda. A cuminsa
cu algo cu por a wordo ehecuta hopi rapido, esta verkeersplateau, pa despues
sigui cu otro cambionan den
e bario.
El a gradici Minister Sevinger y funcionarionan di
DOW pasobra no solamente
nan a bisa “si” na su peticion
pero a cumpli cune tambe.
Marlon Jacobs, di DOW, a
splica cu su coleganan a bira
specialista den trabounan di
tur tipo. Nan a crea rotondenan special pa Aruba pero
tambe ta haciendo mesun
cos cu verkeersplateau. Esnan cu a wordo construi na
Noord, el a splica, ta hopi
facil y ta wordo traha den
dos dia. Loke ta remarcable, segun Jacobs a splica,
ta cu un plateau asina normalmente lo costa entre 8
pa 10 mil florin, sin inclui e
parti di labor, pero e diseño cu a wordo haci, uzando
klinkers ta sali maximalmente 4 mil florin. “Tin mas
proyecto pa bin, rotonde y
verkeersplateau,” e funcionario a duna di conoce.
E-Verspectivo.com
7