DIABIERNA 23 AUGUSTUS 2013
Na caminda pa Weganan Suramericano Hubenil 2013
Pa prome biaha den historia cu e Weganan Suramericano Hubenil 2013 lo ser organisa, caminda e ciudad di Lima Peru, lo ta e anfitrion di e magno evento deportivo aki. Atletanan di henter e continente suramericano den e edad te cu 18 aña lo bini hunto y competi den diferente ramo di deporte. Atletanan di Aruba den 9 diferente ramo di deporte ta den pleno preparacion pa cu dicho weganan. Pa e motibo aki, Comite Olimpico Arubano kier introduci nos atletanan cu lo representa Aruba na e Weganan Suramericano Hubenil 2013. Conoce e atleta den e deporte di Judo: Emmazira Kelly COA: Cuanto tempo bo tin ta practica e deporte di judo? Dicon bo a scohe pa e deporte aki? CH: Mi tin un aña y seis luna ta practica e deporte, eigenlijk mi a cuminsa di chikito caba pero gewoon como hobby pero awor mi a cuminsa na serio, e ta bin di mi famianan y mi tambe kier a bira un judoka. COA: Kiko ta e pensemento ora bo tende cu e deporte di combate ta mas pa mucha homber? EK: Esey no ta berdad, e ta pa yudabo den self defense, bo por yuda bo mes y e ta dunabo un caracter mas fuerte como ser femenino COA: Bo ta p r e p e ra n d o pa algun competenc i a den exterior, conta nos un poco di esakinan? EK: Mi ta preparando pa un competencia na Miami, unda mi ta bezig ta entrena tur dia, lanta mainta bai gym, despues atardi bin den Doyo sigui train. Mi tin un aña caba ta prepara intensivamente pa e momento aki. Mi ta spera di por haci un bon
papel eynan. (Na momento di publica e articulo aki, Emmazira a regresa for di Merca cu varios medaya di brons) COA: E expectativanan pa cu Weganan Suramericano Hubenil ta halto, kiko nos por spera di e atleta Emmazira? EK: Mi soño semper tabata pa yega Weganan Olimpico, cu e Weganan Suramericano Hubenil un prome paso lo bira realidad, mi lo kier haci un bon papel na Peru. COA: Un mensahe pa nos hubentud? EK: Kere den bo mes, haci deporte, keda scol, studia y den bo oranan liber haci algo sano.