Parlamentario mr. Xiomara Ruiz-Maduro:
E voorschot di
175.000.000 florin
ta pa paga debe
nobo tambe
Gabinete Eman a crea
830.000.000
florin
na
debe na UBS y Credit Suise na 2012 y 2013
E siman aki e mayoria
den Parlamento di Aruba
a bay di acuerdo pa Gabinete Eman haya un voorshot di 175.000.000 florin
pa asina por paga debe y
interes di debe cu mester
keda paga den e promer
kwartaal di 2014. Contrario na loke e fraccion
di AVP y nos Minister di
Finanzas kier laga Pueblo
kere, e suma cuantioso aki
no ta pa paga debe bieuw
so, pero tin debenan nobo
tambe traha den 2012 y
2013 cu mester wordo
paga. Den e lista di debe
presenta na Parlamento
tin 14 diferente fianza cu
mester cumpli cu pago riba
nan. Si nos pasa den e lista bo por mira cu e debenan
aki a wordo traha na 1994,
2003, 2004, 2005, 2006,
2008, 2009, y recientemente na 2012 y 2013. Tin
debe a wordo haci pa cubri
deficit di AZV, debe haci pa e
pista di nos Airport, tin debe
traha pa tapa e buraco den
e fondo di APFA, tin debe di
e garantia duna na e grupo
Italiano SACE y tambe tin
debe haci pa tapa e buraco
den nos finanzas publico. Ta
bon pa realisa cu e ultimo
dos debenan aki, esta APFA
y SACE a wordo haci danki
na e mal maneho financiero
di Gabinete Henny Eman cu
8
E-Vespertino.com
e tempo ey no tabata transferi e placa di pensioen pa e
fondo di APFA. Di e debe di
SACE ta conoci cu Gabinete
Henny Eman a bay deal cu
mafiosonan Italiano, pone
Pais Aruba para garantia
pa construccion di hotel y
despues cu e mafiosonan
aki a bula afor, nos Pais a
wordo sentencia cu un debe
miyonario di garantia. Pues
aki no por djies bisa cu ta un
debe di tempo di MEP, pero
mas bien mester menciona
cu Gabinete Henny Eman
hunto cu nos Promer Minister Eman cu e tempo ey tabata promer coordinador, ta
e autornan intellectual di e
debenan aki pa nos Pais.
Mester remarca cu e debenan nobo haci recientemente na 2012 y 2013 no
a bay pa inversion sino pa
cubri e deficit, e buraco den
nos finanzas publico, cu desde cu Gabinete Eman a yega
na mando ta conociendo cifranan nunca antes bisto.
Riba e lista nos ta haya por
ehempel na 2012, un debe
di 253.000.000 dollar cu a
ser haci na e banco UBS y
cu mester keda paga den
e periodo di 10 aña. Nos ta
haya tambe diferente fianza
haci den 2013 na e banco
UBS y tambe Credit Suise
cu ta suma 208.000.000
dollar. Pues e ultimo dos
añanan aki so Gabinete
Eman a traha 461.000.000
dollar cu ta equivalente na
830.000.000 florin na debe
cu mester wordo paga pa
Pueblo.
Pesey ora cu Fraccion di AVP
of nos Minister di Finanzas
menciona cu e voorschot
pidi ta pa cubri debe di MEP
so, esaki no ta cuadra cu realidad, ya cu den e lista ta
figura debenan haci na man
di Gabinete Henny Eman y
debenan cuantioso haci na
2012 y 2013 pa cual Pueblo
tin cu paga miyones.
14 januari 2014