Arxangelo ԻՄ ԿՈՐՑՐԱԾ ՏՈՂԵՐԸ | Page 22
Արամ Հակոբյան
___
ԻՄ ԿՈՐՑՐԱԾ ՏՈՂԵՐԸ
______________________________________________________
Ձյուն է գալիս
Ու ես կրկին տխուր եմ այսօր:
Կարծես ձյունը գալիս է ոչ թե դրսում,
Այլ հոգուս վրա:
Ձյունը մաղու՜մ է անդադար մաղու՜մ.
(Այս ձյունը այնքա՜ն Քեզ է հիշեցնում):
Ու ձյունը նստում է ոչ թե ծառերին, այլ սրտիս վրա:
Միայնությունն է անվերջ հարվածում, տանջում
անխնա:
Ի՛մ միայնության ճերմակ սառը ձյուն,
Որ մաղում ես դու հանդարտ ու սահուն,
Մաղում ես, պատում իմ սիրտն ու հոգին
Ու կարոտ թողնում գարնան սպասումին:
Ու ես կրկին տխուր եմ այսօր:
Կարծես ձյունը գալիս է ոչ թե դրսում,
Այլ սրտիս վրա…
Aram Hakobyan (Arxangelo), Poems. © All Rights Reserved, 2012
22