Մարմինը ձգված է, մկանոտ, ոտքերը համեմատաբար կարճ են, ամուր, թաթերը՝ լայն ու սուր ճանկերով:
Ականջները կարճ են ու կլորավուն:
Ընձառյուծի մորթին շատ գեղեցիկ է: Մեջքը դեղին է
կամ դեղնակարմրավուն (երբեմն՝ շիկակարմրավուն)՝ մոխրագույն երանգով, համաչափ ցրված վարդանախշաձև սև
բծերով, պտերով: Կան նաև լրիվ կամ գրեթե լրիվ սև
մորթով հովազներ, որոնք հանդիպում են հիմնականում
Հարավարևելյան Ասիայում, նրանց կոչում են նաև սև հովազ
կամ պանտերա: Սև կամ մուգ գունավորման տակ, միևնույն
է, նշմարվում են ընձառյուծին բնորոշ բծերը:
Ընձառյուծն ապրում է անտառներում, սարերում: Սնվում է եղջերուներով, այծյամներով, վայրի խոզերով, նապաստակներով, մկնանման կրծողներով, թռչուններով, նաև՝ ձկներով ու լեշերով: Մարդակեր ընձառյուծները
հազվադեպ են: Այս ուժեղ և ճարպիկ կենդանին որսի վրա
հարձակվում է գաղտագողի՝ դարանակալելով: Ունի սուր
տեսողություն, լավ լսողություն, թույլ հոտառություն: Որջը
սարքում է քարանձավներում, ժայռաճեղքերում, հաստաբուն ծառերի փչակներում, երբեմն՝ մացառախոզերի հին
բներում:
Ընձառյուծն ունենում է 1–4 (երբեմն՝ 6) ձագ, որոնք
կաթով կերակրվում են 3 (երբեմն՝ 6–8) ամիս: Ձագերը 5
ամսականում կարող են որսալ մանր կենդանիներ, 1–1,5
տարեկանում՝ ապրել ինքնուրույն: Անազատ պայմաններում
ընձառյուծն ապրում է մինչև 20-21 տարի:
Ընձառյուծը որպես տեսակ ունի բազմաթիվ, ավելի
ստույգ՝ 27 ենթատեսակներ, որոնք իրարից տարբերվում են
աշխարհագրական տարածվածությամբ, մորթու գույնով,
դրա բծերի դասավորությամբ և ձևով:
ԼՌՈՒԹՅԱՆ ԳԻՆԸ
61