Կենդանու կրտումը, ինչպես բացատրում էր կենդանաբանական այգու ղեկավարությունը, կունենար «անցանկալի հետևանքներ», իսկ նրան ազատ բաց թողնել նույնպես
չէր կարելի. հայտնի չէ, կենդանի կմնար նա, թե ոչ: Բացի
այդ, դրա համար աֆրիկյան երկրներից թույլտվություն
ստանալ հեշտ չէր լինի:
BBC-ի եթերում Մարիուսի մասին ռեպորտաժի
հայտնվելուց հետո Յորքշայրի կենդանաբանական այգին
կենդանուն ընդունելու պատրաստակամություն էր հայտնել:
Կենդանու հանդեպ հետաքրքրություն է ցուցաբերել նաև
Շվեդիայի կենդանաբանական այգիներից մեկը: Կենդանուն
փրկելու իր պատրաստակամությունն էր հայտնել նաև
Չեչնիայի նախագահ Ռամզան Կադիրովը:
Այս պատմության ամենազարհուրելի պահը կենդանու սպանությունն է, որը վերածվել էր «արյունալի շոուի»:
Թե՜ սպանությունը, թե՜ նրա ընթացքն առաջացրել էին
հազարավոր մարդկանց զայրույթը: Ընձուղտին բառի բուն
իմաստով մորթել էին, և այդ դաժան տեսարանի ականատեսն էին եղել նաև այդ ժամանակ իրենց ծնողների հետ
այգի այցելած փոքրիկ երեխաները: Ընդ որում, նրանցից
շատերը զարմանալի սառնասրտությամբ և հետաքրքրությամբ տեսագրել էին գործընթացը։
Կենդանուն այդ կերպ ցուցադրաբար մորթելու՝ այգու
բացատրությունը ուղղակի անհեթեթ էր. իբր երեխաները
տեսնեն ու իմանան, թե ինչից է կազմված ընձուղտը: Մինչդեռ ամբողջ այդ տեսարանը հիշեցնում էր ծաղր բնության
հանդեպ, և պարունակում էր սադիզմի ու դաժանության քարոզչություն:
ԼՌՈՒԹՅԱՆ ԳԻՆԸ
43