Marguerite Badenhorst
Luttig Badenhorst Fourie Prokureurs
’n Prokureur is ‘n persoon
met ‘n regsgraad, wie klerkskap gedoen het en vier
toelatingseksamens van die
Prokureursorde geslaag het.
Hy word deur die Hoërhof
toegelaat om as prokureur te
praktiseer. ‘n Prokureur kan
alle regswerk doen, uitgesluit
die werk, wat gereserveer
word vir notarisse en aktebesorgers, soos hieronder
bespreek. Hy kan onder
andere, litigeer in die hof,
kontrakte opstel, egskeidings
hanteer en derdepartyeise (as
gevolg van motorongelukke),
hanteer.
‘n Notaris is ‘n prokureur wat ‘n
verdere eksamen geskryf het en ‘n
aanvullende kwalifikasie verwerf
het. Hy word deur die Hoërhof
toegelaat om as notaris te praktiseer. ‘n Notaris moet ‘n protokol
hou waarin hy afskrifte plaas van
alle dokumente wat voor hom
verly is. Daar is sekere dokumente,
byvoorbeeld, ‘n huweliksvoorwaardekontrak en ‘n notariële
serwituutakte van byvoorbeeld,
vruggebruik, wat slegs deur ‘n
notaris opgestel en verly mag
word. Dokumente, vir gebruik in
die buiteland, moet voor ‘n notaris
geteken word en die notaris moet
sertifiseer dat dit voor hom
geteken is. Slegs ‘n notaris kan
dokumente, vir gebruik in die
buiteland, sertifiseer as ware
afskrifte.