bekend gemaak is, het die Wes-Kaap se krisis
met misdaad duidelik uitgewys. Die landbousektor spring die stygende misdaadaanslag nie
vry nie. Dit blyk duidelik uit onder meer die
veediefstalsyfer wat in die Wes-Kaap met
3,6% toegeneem het terwyl dit landwyd met
1% gedaal het.
Sou daar amptelike statistieke beskikbaar
wees vir vrugtediefstal, groentediefstal en
diefstal van landbou-infrastruktuur, sou die
grafiek volgens Agri Wes-Kaap se data ook ‘n
definitiewe styging toon. Sommige produsente in die Wellington-omgewing het al
byvoorbeeld totale sitrusboorde tot niet maak
omdat vrugtediefstal dit onmoontlik maak om
volhoubaar daarmee voort te gaan. 24 uur
privaatsekuriteit is onbekostigbaar en misdadigers word ten spyte van herhaaldelike
oproepe in die media steeds ondersteun deur
motoriste wat gesteelde vrugte langs die pad
koop. Dit word ook in informele nedersettings
verkoop.
Op Philippi op die Kaapse Vlakte, wat al vir
dekades met drie groente-oeste per jaar ‘n
belangrike rol in die voedselsekerheid van die
provinsie speel, maak produsente voorsiening
dat minstens 10% van hul oes waarskynlik
gesteel gaan word, deesdae helder oordag.
Kaapse wetstoepassers het al na vrugte- en
groente-diefstal as “petty crimes” verwys – ʼn
aanduiding van die totale onkunde wat
voedselsekerheid, bekostigbare voedsel en die
rimpeluitwerking van misdaad op die ekonomie, betref. Die koste van die skade wat misdadigers aan boorde, wingerde en lande
aanrig, word nog nie bygereken by die skade
aan die verlies van produkte nie. Ook nie die
miljoene rande se skade wanneer pompe,
heinings, spilpuntwiele, kabels, pype en ander
infrastruktuur gesteel word of wanneer
produkte skade ly omdat besproeiingsiklusse
in kritieke produksietye as gevolg van diefstal
onderbreek word nie. Geweldsmisdade op
plase en in landelike gebiede neem ook toe,
wat uiters kommerwekkend is.
Agri Wes-Kaap het die strategie reeds aan
verskeie rolspelers, onder meer munisipaliteite, voorgelê wat aangedui het dat hulle
in die plan inkoop en opgewonde is om aan
die implementering daarvan deel te neem.