beskikbaar wat aanpasbaar is by die
verbruiker se behoeftes. Die oplossings kan ook uitgebrei word na gelang van die funksies wat die verbruiker wil benut. Dit kan begin
deur slegs die kabel tussen die spilpunt en die pomp uit te skakel,
maar kan uitbrei tot beheer en
monitering van verskeie funksies.
Boorgat pompe wat foutief raak:
Bestaande tegnologie kan hier gebruik word om verskeie funksies te
beheer en te monitor wat die verbruiker ingelig en in beheer kan
hou. Afstand beheer van pomp,
krag monitoring ens.
Krag wat afgaan:
Daar is intreevlak toerusting wat
hierdie status kan monitor en die
boer in kennis stel.
Transformators wat foutief raak.
(Veral hier is daar meer as een
rede voor):
Oplossings is in die mark
beskikbaar om hierdie toerusting of
bate te monitor teen diefstal, vandalisme en funksionaliteit.
Sekuritei:
Toerusting vir verskeie sekuriteitstoepassings is volop beskikbaar,
van monitering tot aktivering oor
afstande vir elektriese omheinings,
pomphuis sekuriteit, sekuriteit in
store, bulk diesel tenks ens.
Pype wat beskadig word of bars:
Met die toenemende skaarste aan
goeie kwaliteit water is dit belangrik
om hierdie probleem so gou
moontlik te herstel en is dit belangrik om so gou moontlik te weet
van hierdie probleem. Daar is oplossings beskikbaar wat dit kan
monitor en die boer dadelik in kennis kan stel.
Monitering:
Die oplossings wat bestaande tegnologie bied vir die boer in terme
van inligting, beheer en bestuur is
legio. Deur buite die boks te dink
kan daar vir die meeste probleme
oplossings wees.
Nag-ure en naweek-ure benutting:
Weens misdaad en ook kostes is dit
nie altyd moontlik om hierdie ure te
benut wanneer pompe en water
betrokke is nie, aangesien dit met
die hand gedoen moet word. Deur
tegnologie in te span kan dit egter
benut word wat in sommige gevalle
ook nog ‘n elektrisiteits besparing
teweeg kan bring.
Bogenoemde is slegs ‘n paar voorbeelde en die lys is oneindig lank.
Dit is belangrik om te verstaan dat
daar soveel tegnologie beskikbaar
is, waarvan baie moontlik aanpasbaar is, om ‘n persoon se spesifieke
behoefte mee aan te spreek. Die
tipes toerusting wat baie in gebruik
is en beskikbaar is in verskeie kombinasies maak grotendeels gebruik
van radio, GSM of GPRS kommunikasie. As gevolg van die groot
toetrede tot hierdie mark deur
verskeie rolspelers het die tegnologie, of oplossings, ook baie meer
bekostigbaar geraak wat baie voordelig is vir die verbruiker.
Ryp beheer:
Waar besproeiing betrokke is en
koue ‘n oes nadelig kan beinvloed is
die tegnologie beskikbaar om hierdie waarskuwing te gee en ook spesifieke aksies outomaties te kan aktiveer.
Temperature:
Net soos in die geval van ryp of
koue skade kan tegnologie ingespan word om die skade wat hoë
temperature kan veroorsaak te
beperk.
Druk (Pressure):
‘n Effektiewe stelsel het normaalweg ‘n effektiewe of idiale druk
waarteen dit moet funksioneer.
Indien die druk afwyk is die stelsel
dalk nie meer effektief nie en het
dit indirek koste implikasies.
Vlakbeheer word gedoen met GSM tegnologie.
‘n Goeie beginpunt sal wees om
met ‘n betroubare en eerbare
maatskappy wat oplossings voorsien kontak te maak en die spesifieke behoefte te bespreek. In baie
gevalle vereis ‘n goeie oplossing
sekere aanpassings op ander gebiede ook en daarom moet dit in
die geheel geëvalueer en hanteer
word.
Belangrik: Kyk na hoe prakties die
oplossing is, prys en naverkope
diens.
Krag word gemonitor, multi-aar kabel vir diefstal, spilpunt loop of staan, pomp word met GSM geskakel.