Sitrus Nuus:
Strenger maatreëls teen
Sitrus-invoere uit Suid-Afrika
Vertaling: Sors Pretorius
D
ie Permanente Fitosanitêre Komitee in Brussel het op 27 Mei 2014 besluit op strenger
maatreëls met betrekking tot die invoer van
sitrus uit Suid-Afrika vanweë swartvlek.
Sitrus uit Suid-Afrika sal onderwerp word aan strenger
toetsingkriteria op vrugte.
Hierdie maatreëls sluit in:
Spesifieke voor- en na-oes chemiese behandeling
Verpligte registrasie van pakhuise en
Strenger kontrole op boorde.
Ten minste 60 vrugte uit elke 30 ton sal onderwerp
word aan visuele inspeksie. Alle vrugte wat simptome
wys sal aan laboratoriumtoetse onderwerp word. Die
Valencia lemoene sal ekstra streng getoets word vir
latente infeksies deur middel van ‘n steekproef per elke
30 ton. Geen onderskeid sal gemaak word tussen sitrus
vir die varsmark of verwerkingsmark nie. Die nuwe
maatreëls sal geld vir die volle produksieseisoen.
Volgens die EU se Kommissaris van Gesondheid, Tonio
Borg het die EU geen ander keuse as om strenger
maatreëls teen Suid-Afrikaanse sitrus in te stel nie
aangesien dit as noodsaaklik beskou word om op
hierdie wyse die Europese sitrusbedryf teen skadelike
plantsiektes te beskerm. Hierteenoor trek sommige
invoerders en produsente die moontlike skadelike gevolge van Swartvlek op Europese boorde in twyfel.
Hulle voer aan dat sitrusswartvlek slegs ‘n fitosanitêre
probleem is.
Tydens die Suid-Afrikaanse uitvoerseisoen van 2013 is
vanaf April tot November ongeveer 600 000 ton sitrus
na EU-lande uitgevoer, met lemoene as die belangrikste
produk. Dit vorm sowat een derde van die totale sitrus-
invoer van die EU. Bekommernis heers dat in Nederland alleen, sowat 500 werkgeleenthede tot niet sal
gaan as die Suid-Afrikaanse sitrusstroom nie langer na
Europa mag uitgevoer word nie.
Justin Chadwick van die Sitrus-kwekers Vereniging in
Suid-Afrika is volgens berig verlig dat die onsekerheid
wat die sektor plaaslik beleef het tot ‘n einde gekom
het, maar dat die vooruitsigte steeds onseker is omdat
daar nog steeds ruimte gelaat is vir “aanvullende
maatreëls” as gevolg van die vyf onlangse oorskreidings
op die gebied.
Hoewel die spesifieke detail en ingangsdatum nog gefinaliseer moet word, meen Inge Ribbens van Frugi Venta
dat die maatreëls ‘n werkbare antwoord bied tenspyte
van die verswarende omstandighede.
Veerle van der Sypt, Fresh Trade België, is van mening
dat die pertinente fokus op spesifieke variëteite, op die
oog af na ‘n logiese gegewe lyk en is hulle tevrede dat
Suid-Afrika reeds etlike maatreëls in plek gestel het om
die situasie mee te stuur. Hy spreek die hoop uit dat die
inspanning van die seisoen met weinig tot geen verdere oponthoude beloon sal word.
In sy reaksie sê Evert-Jan van Vliet van Hillfresh: “Vir ons
as invoerders is dit goed om te hoor dat daar uiteindelik ‘n besluit geneem is. Dat dit nie makliker gaan
word nie, was duidelik. Maar nou weet ons waar ons
staan”
Erkenning: aan Izak Heijboer: 28-5-2014, http://
www.agf.nl/artikel/111841/Striktere-maatregelenimport-Zuid-Afrikaans-citrus