Sitrus Nuus:
Owerhede skerp SSV prosedures op
Vertaling: Sors Pretorius
M
et die Suid-Afrikaanse Valencia uitvoere
wat pas momentum begin kry het, is die
bedreiging van ‘n uitvoerverbod na Europa terug in die nuus. ‘n Totaal van vyf
onderskeppings van Sitrus Swartvlek is tot en met einde
Julie gemaak. Reeds na die eerste onderskepping het
DAFF die betrokke produsent ingelig en is die produksie
-eenheid uit verdere uitvoere na die EU vir die huidige
seisoen, onttrek.
Alle besendings sitrus wat die EU vanaf 24 Julie 2014
binnegaan, moet voldoen aan die nuwe EU maatreëls
en gepaardgaande sertifisering vereis deur die EU, soos
gepubliseer in die EU op 3 Julie 2014. Die nuwe
maatreëls sluit bykomende vóór-uitvoer steekproef- en
inspeksievereistes in. Alle “Valencia” lemoene moet
voorts aan ‘n chemiese simptoom uitdruktoets
onderwerp word.
Kort na die eerste geval aan die lig gekom het, is ‘n
ondersoek deur DAFF in samewerking met die industrie
geloods om die moontlike oorsake vir die teenwoordigheid van SSV in die vrugte te bepaal.
Gegrond op die uitslag sal remediërende maatreëls
geevalueer en soos nodig geimplementeer word ten
einde hervoorkoms te verhoed. Soos per die vorige
ooreenkoms met die EU, sal alle relevante inligting aan
die EU gerapporteer word.
Suid Afrika het reeds baie geld en moeite spandeer om
via sy SSV risiko-bestuurstelsel aan die EU vereistes te
voldoen.
Sowat kwartpad deur die Valencia seisoen, is 11.9m
kartonne van ‘n verwagte 49,5m reeds gepak. Justin
Chadwick HUB van die Sitrus Kwekersvereniging verwag
soorgelyke volumes as die van verlede jaar. Hy meen
voorts dat die vrugte uiters geskik is vir die EU mark vir
sover dit grootte en kleur betref maar kan ook na ander
bestemmings verskeep word.
Hy is ook tevrede dat die Suid-Afrikaanse owerhede
alles in hul vermoë doen om die korrekte prosedures te
volg.
Erkennings: Nichola Watson 7/30/2014 en 8/5/2014:
www.freshplaza.com