voldoen om die woorde te mag gebruik. Die KDF het
ook ‘n sertifiseringsmerk by die Kommissie vir
Intellektuele Eiendom en Maatskappye (CIPC)
geregistreer en ook via die Departement Landbou
toestemming gekry om die ‘sertifiseringsmerk’ as vleis
stempel en ook as roller-merk te gebruik. Die merke lyk
soos volg (soos finaal goedgekeur en gepubliseer in die
Suid-Afrikaanse Patente Joernaal in Januarie 2013):
CERTIFIED KAROO meat of origin (Windmill device
colour label) (no: 2011/01935)
CERTIFIED KAROO meat of origin & (Windmill device
black and white label) (no: 2011/01936)
CERTIFIED KAROO meat of origin & (Windmill device)
(stamp) (no: 2011/01937)
CERTIFIED KAROO meat of origin & (Windmill device)
(meat stamp)(no: 2011/01938)
Die sertifiseringsmerk soos deur die KDF ontwerp word
dus nou in terme van die Wet op Handels-merke (Trade
Marks Act) beskerm.
Die KDF het ook gedurende 2013 op versoek van kleinhandelaars ook ‘n rollermerk vir skaap/lam karkasse
geregistreer en bevat die insetsel “CERT KMOO”. Die
Departement Landbou het ook die versoek toegestaan
dat gesertifiseerde Karoo Lam karkasse wat vanaf
geregistreerde plase kom en by geregistreerde
abattoirs geslag word voortaan die rollermerk sowel as
die vleisstempel mag dra. Dit bied dus ‘n goeie manier
om Karoo Lam in die handel te eien.
Die “Foodstuffs, Cosmetic and Disinfectants Act” Wet
54 van 1972 wat resorteer onder die Nasionale
Departement van Gesondheid, bepaal in Afdeling 5(1)
dat enige persoon skuldig is aan ‘n kriminele oortreding in die volgende gevalle:
‘(a) publishes a false or misleading advertisement of
any foodstuffs […].
(b) for purposes of sale, describes any foodstuff […] in
a manner which is false or misleading as regards its
origin […] quality […] or place of its manufacture
(c) sells or imports for sale any foodstuff […] described in the aforesaid manner.’
Regulasie 47 van R146 wat die nuwe reëls vir voedseletikettering vaslê, verwys onverwags direk na Karoo
Lam en bepaal spesifiek dat die woorde “Karoo Lam”
alleenlik op vleisprodukte gebruik mag word indien ‘n
protokol by die Departement van Landbou geregistreer is. Daar is nogal stywe vonnis hieraan gekoppel.
Gegewe die feit dat die “Certified Karoo Meat of
Origin” protokol die enigste protokol in die verband is
wat by Departement Landbou geregistreer is dit dus
logies dat voldoening aan die reëls van die protokol
jou in staat stel om die sertifiseringsmerk en die
woorde Karoo Lam te gebruik. In wese is die sertifiseringskema dus geskep om vir alle Karoo boere,
abattoirs en kleinhandelaars die geleentheid te bied
om wettig in Karoo Lam handel te dryf.
Huidige staatswetgewing verskaf dus ‘n mate van
beskerming vir Karoo Lam en verhoed selfs dat Karoo
boere hul produk as Karoo Lam kan bemark sonder
die voldoening aan die huidige wette. Maar as jy deel
is van die sertifiseringskema en onafhanklike ouditeure
het bevestig dat jy aan die reëls voldoen mag bemarking van ‘Karoo Lam’ plaasvind.