daar ‘n sekere kategoriefout opduik, en outomaties ‘n boodskap na
die betrokke masjienhandelaar se
werkswinkel stuur en hulle in kennis
stel van die probleem en wat die
probleem is, voordat selfs die
operateur weet van die fout.
Net so kan die werkswinkelpersoneel vanaf die kantoor op die
rekenaar inskakel en die masjien en
die fout probeer opspoor en regstel
voordat daar ‘n voertuig hoef te ry
na die masjien. Ontwikkelling
rondom ondersteuning op presisietoerusting word ook op dieselfde
manier hanteer. Dit alles word
moontlik gemaak deur ‘n selfoonmodem wat die masjien met die
internet koppel.
Plaaslike beskikbaarheid
Grondontledingsdienste sowel as
die volle reeks van presisietoerusting vir verskeie handelsname is
beskikbaar in Suid-Afrika. Die
gebruik van beskikbare tegnologie
word bepaal deur die behoefte van
die boer, die area, boerderypraktyk,
ens. GPS-navigasie is altyd ‘n goeie
belegging omdat dit in verskeie toepassings gebruik kan word deur die
seisoen. GPS-navigasie laat die
operateur toe om sy spasiering
tussen bane reg te kry, en sodoende
die regte toepassing op die regte
plek te doen en sodoende geld te
spaar deur dubbele toepassing of
openinge te beperk.
Kostebesparing
Die moontlike kostebesparing wat
presisieboerdery meebring wissel
van toepassing, area, drywervermoëns, GPS-akkuraatheid, hektare
van toepassing, en so aan. Dit kan
soveel as ‘n 50% verbetering meebring, maar daar is baie veranderlikes wat dit beïnvloed.
Daar is verskeie voorbeelde waar
boere ‘n GPS-navigasiestelsel
gebruik het vir spuit- of strooierwerk en terugvoer gee dat hulle die
regte hoeveelheid vir die hektare
van die kamp toegedien het, anders
as vorige seisoene waar hulle meer
as die aanbevole toediening gegee
het weens onnodige dubbele
toediening.
Omdat die operateur nou kan sien
wat afgehandel is en watter dele
van die land nog nie toegedien is
nie, kan hy na die presiese regte
plek ry en die toediening op die
regte plek gaan doen.
In ander gevalle – met die hulp van
autostuur – is daar na ander bewerkingspatrone beweeg omdat die
GPS-navigasie dit moontlik maak.
Dit bring ‘n hoër hektaar per uur
waarde asook ‘n beter toedieningsfaktor, minder stremming op
implemente en laer brandstofverbruik mee.
Daar is ander scenarios waar boere
veranderlike toediening doen deur
fosfaat en kalk regstellings te doen
deur op die regte plek die regte
hoeveelheid toe te dien volgens die
aanbevelingskaarte. Dit bring mee
dat hulle fosfaat- en kalk hoeveelhede aansienlik minder in totaliteit
is as wat dit sou wees met die
tradisionele toediening deur dieselfde hoeveelheid oor die hele area
toe te dien.
Autostuur stel ‘n presiese akkuraatheid beskikbaar wat groot kostebesparing meebring vir
grondbewerking, plant-, spuit-, strooi- en oeswerk.