‘n Paar van die items van
weggooigoed wat in kuns omskep is,
is maar ‘n klein deeltjie van die
aanbieding by Môi Art Café. “Ons
gaan mettertyd meer geskenke wat
nie uit volstruisvere en –eierdoppe
bestaan nie, aanhou wat toeriste as
aandenkings kan koop.”
Du Plessis en Rheeder het in 2006 die
plaas op Rooiheuwels gekoop en
mettertyd die verskillende venues
ontwikkel. Eers die Moooi-galery met
sy interessante nisse wat voorheen ‘n
melkstal was, toe die unieke
amfiteater waar teen die doek van
rooi sonsondergange oor die
Swartberge opspraakwekkende
eksperimentele teaterstukke en groot
konserte aangebied is – dink maar
aan Smokie se vuurwarm konsert!
Die venues word steeds gebruik: Elke
eerste en derde Saterdag van die
maand vind ‘n plaasmark met
organiese groente en vrugte,
tuisgemaakte produkte en snuisterye
plaas. Gewilde kunstenaars kom
telkens terug na die aardse venue en
warm atmosfeer van die Klein Karoo
platteland.
Die venues is ook gewild vir troues en
jaareindfunksies, en daar gaan selde
‘n naweek verby wat daar nie een of
ander aktiwiteit plaasvind nie.
Vir meer inligting kontak Danie du
Plessis by 082 5100 516.