Nuwe kuierplek in die Klein Karoo
Tisha Steyn
M
ôi Art Café is ‘n vars
nuwe galery/koffiewinkel
oorkant die CP Nel
Museum in Baron van Reedestraat in
Oudtshoorn.
Hierdie nuutste toevoeging tot
Jamstreet se interessante venues was
‘n natuurlike uitvloeisel van die
Jamstreet vermaak-kompleks se
unieke teater-en kuierplekke langs
die Rooiheuwelspad waar verskeie
teater-aanbiedings gedurende die
Klein Karoo Kunstefeeste aangebied
is.
Grafiese kunstenaar Wim Rheeder,
vennoot van Danie du Plessis,
kunstenaar in eie reg, het in
Februarie vanjaar sy ateljee vanaf
Jamstreet na hierdie perseel geskuif.
Die nuwe venue is tydens die KKNK
omskep in ‘n galery, en uit die aard
van die ligging in die hart van die
Kunstefees, en feesgangers het
daarheen gestroom. Mettertyd kon
Rheeder dit nie meer uithou met die
talle besoekers wat ingestroom het
nie, want hy kon nie sy werk klaarkry
nie.” Du Plessis, wat vroeër bedags by
Jamstreet was, het besluit om te kom
hand bysit.
Kort voor die Klein Karoo Klassique
(in middel Augustus vanjaar) het Du
Plessis met sy rustelose
kunstenaarsiel besluit om ‘n
koffiewinkel in die galery te begin.
“Ons het besluit om ‘n piepklein
koffiewinkeltjie hier oop te maak –
ons het tog immers al die toerusting
by die Mooi-koffiewinkel gehad...”