Elri Burger
LNR-Kleingraaninstituut, Bethlehem
D
ie 2016 handleidings is beskikbaar en produsente kan die jongste resultate reeds op
die webwerf kry by www.arc.agric.za/arcsgi. Die boekies sal vanaf die 30ste Maart by
LNR-Kleingraaninstituut in Bethlehem beskikbaar wees
en vanaf die eerste week in April by u naaste koöperasie.
Kleingraaninstituut publiseer jaarliks hierdie kompakte
handleiding wat die jongste inligting en resultate ten
opsigte van kultivarprestasie, onkruid-, siekte- en insekbeheer, asook ander algemene bestuurspraktyke met
betrekking tot suksesvolle kleingraanverbouing bevat.
Hierdie handleidings stel baie nuttige en duidelike riglyne waarbinne aanbevelings en produksiebesluite
gemaak behoort te word. Dit is vir navorsers by Klein-
graaninstituut belangrik dat kleingraanprodusente altyd
toegang het tot die nuutste onafhanklike koringinligting.
Twee afsonderlike handleidings is in Afrikaans en Engels
beskikbaar vir die Somer- en Winterreënvalgebiede
onderskeidelik. Danksy finansiële ondersteuning van
die Wintergraantrust, kan die Produksiehandleidings
gratis aan kleingraanprodusente verskaf word.
LNR-Kleingraaninstituut is jaarliks verantwoordelik vir
die Nasionale Kultivarevaluasie Program en die inligting
en aanbevelings wat in die handleiding vervat word is
die resultate van hierdie program. Aanvullend tot die
kultivaraanbevelings word die resultate ook per streek
saamgevat. Die aanbevelings sluit slegs dié kultivars in