Groot vertroue in die
Rooivleisbedryf
Jeanne Boshoff
Agri Wes-Kaap
D
ie RPO Wes-Kaap het Donderdag
31 Mei hul Algemene Jaarvergadering
op Moorreesburg gehou.
Tydens die vergadering is mnre.
Louis Wessels (Albertinia) en Nico Uys
(Heidelberg) onderskeidelik as voorsitter en
vise-voorsitter herkies.
Mnr Louis Wessels, voorsitter van die RPO
in die Wes-Kaap, het gesê wat pryse betref,
beweeg die produsentepryse van bees, skaap
en speenkalwers sedert 2016 op nuwe vlakke.
“Dit lei daartoe dat daar groot vertroue in die
rooivleisbedryf is,” het hy gesê.
In sy voorsittersverslag het mnr Wessels
ook na die Wes-Kaapse Veediefstalforum
verwys en gesê hulle is “uiters doeltreffend”.
Die bestuurslede van die RPO Wes-Kaap is
mnre. Gideon Melck, Dean Heyns, Francois
Conradie, Theunis van Eeden, Willem
Engelbrecht, Louis Wessels, Jaco van den
Berg, Gert Aggenbach, Andre Groenewald
en John Durr. Hanno Dreyer is ook as
bestuurslid herkies, en mnr Nico Uys is as
vise-voorsitter herkies.
“Veediefstal in die Wes-Kaap is in vergelyking
met ander provinsies mooi onder beheer,
behalwe op die plase waar daar naby die
metropole geboer word. Skaapdiefstal is
só groot probleem dat baie produsente
wegbeweeg van die kleinveeproduksie
en eerder grootvee produseer. Dit bly
egter onrusbarend dat slegs 30% van
veediefstalvoorvalle by die SAPD aangemeld
word,” het hy gesê.
Mnr Wessels sê wat predasie betref is dit
vanjaar die eerste jaar dat die predasie-
inligtingsentrum by die Universiteit van die
Vrystaat funksioneel is. “Die wetenskaplike
assessering van predasie wat deur die
Universiteit van Port Elizabeth onderneem
is, is ook afgehandel en ons sien uit na die
resultate daarvan.”
In die lig van Rooivleisnavorsing en
Ontwikkeling SA se beginselbesluit om
programme vir nuwe navorsingprojekte daar
te stel, het mnr Wessels vir dr Ilse Trautmann,
Hoof Direkteur: Navorsing en Tegnologie
Ontwikkelingsdienste by Elsenburg en haar
span in die Wes-Kaap bedank vir die goeie
werk wat hulle doen.
Mnr Wessels het gesê wat onteiening sonder
vergoeding betref, het die RPO ná deeglike
besinning besef “ons moet eerder met
landbou-organisasies soos Agri SA en Agri
Wes-Kaap hande vat om die produsent se saak
te stel.
“Die RPO is gekant teen die wysiging van
artikel 25 van die Grondwet. Die RPO sal by
AgriKultuur |AgriCulture
36