M
y naam is Madelé Burger, oftewel, Toortsie. In Julie 2014
was ek moedeloos! Ek het alreeds elke moontlike gewigsverliesprogram probeer, baie goed daarmee gedoen, net
om sodra ek my doelgewig bereik het, weer alles en nog
meer op te tel.
Al hoe meer is gepraat van die ‘Tim Noakes Dieet’ waar jy nie meer stysels
en suiker inneem nie, maar eerder die vetter kosse, saam met groente
natuurlik. Ek was nog só gekondisioneer deur die ou skool, ‘n mens moet
net matig en gebalanseerd eet, dat ek aanvanklik nie wou byt aan hierdie
nuwe idee nie. Die probleem is, ek hét gebalanseerd geëet, net om vetter
en vetter te word!
Op 27 Julie 2014, met ‘n gewig van 96.7 kg het ek die groot besluit
geneem om hierdie eetplan te volg en sedertdien het ek nog nooit
teruggekyk nie. Tans weeg ek 81 kg.
Ek besef dat daar baie interpretasies is van hierdie eetplan, party sê jy mag
vrugte eet, die ander een sê nee. Sommiges sê, tel jou koolhidrate, die
ander sê dis nie nodig nie. Party ‘skole’ sê dat jy vir die eerste week geen
groente moet eet nie, ander sê eet
groente by elke ete. Ek glo dat ‘n
mens moet kies watter een van die
baie skole jy gaan volg en dan
daarby hou. Ekself volg Banting soos
beskryf deur Prof Tim Noakes in The
Real Meal Revolution .
Ek skryf ook op my blog,
toortsie.com
en die lae-koolhidraat e-gids,
www.lowcarbdirect.net oor my
Bantingreis. Ek het die boek,
Toortsie se Bantingboerekosboek
uitgegee waarin maklike kos vir
gewone kombuise saamgevat is. My
Bantingreis is ook daarin beskryf. Die
Engelse weergawe, "Toortsie's
Banting Bash!" verskyn binnekort .
U kan op hierdie skakel kliek as u dit
sou wou bestel: https://toortsie.com/
bestel-toortsie-se-bantingboerkoshier/
Groetnis,
Toortsie