Artikel voorsien deur Engel & Völkers
Agri Kultuur gee hierdie maand blootstelling aan bome- veral die wat inheems is en wat nie net vir mens en dier
skuiling, kos en vreugde verskaf nie maar ook die vermoë het om volhoubare voeding en voedingstowwe aan ‘n
ewiggroeiende bevolking te kan verskaf. Afhangend van die streek waarin jy bly, bied die natuur en jou omgewing ‘n groot verskeidenheid van boomspesies wat jou spesifieke behoeftes sal pas. Hetsy dit vir die vrugte, die
blomme, windbrekers, skuiling en ander doeleindes is, is daar ‘n boom wat jou hart en sak sal pasl. Kyk dus uit vir
AgriKultuur se bydraes oor die Kremetartboom, Adansonia digitat -‘n unieke voorbeeld van aristokrasie, ‘n bron
van skoonheid vir die kunstenaar en fotograaf, skuiling vir mens en dier, heilsame vrugte met hoë voedingswaarde, bergplek vir water, wegkruipplek vir insekte en klein soogdiere en rituele konnotasies vir menige volke in
Afrika, Madagaskar en Australië. Inderdaad, wie het gedink dat dié boom as verskillende spesies sou ontwikkel in
die gebiede en vandag vir ons ‘n aanduiding verskaf van die dae toe Pangaea en Gondwanaland ontwikkel het en
daarmee ook bevestig het dat Madagaskar, Afrika en Australië op ‘n stadium ‘n eenheid gevorm het? (Red).
B
ome is 'n integrale deel van ons omgewing, ons leefstyl – en uiteintlik ook ons
oorlewing. Om 'n boom te plant val nie
net in die tuinwerk kategorie nie, maar
ook in die energie effektiewe/groen kategorie dus
‘n belegging vir die toekoms.
HIER IS 'N PAAR INTERESSANTHEDE OOR BOME:
Bome beveg klimaatsverandering
Bome absorbeer CO2 gasse. In 1 jaar kan ongeveer
0,4ha volwasse bome dieselfde hoeveelheid CO2
absorbeer as wat 'n gemiddelde motor in meer as
40 000 km vrylaat.
Bome hou die lug skoon
Bome absorbeer nie net CO2 nie, maar ook sekere
besoedelende gasse en filter klein deeltjies uit die
lug uit.
Bome verskaf suurstof
In 1 jaar kan ongeveer 0,4ha volwasse bome genoeg suurstof vir 18 mense voorsien. Baie stede
regoor die wêreld belê hierin as die sg. “Groen
Longe” van ‘n stad.
Verkoelingseffek
Bome verkoel die omgewing met skadu en vog en
verminder sodoende die hitte-eiland effek. Die
temperatuur in stedelike gebiede is dikwels amper
9°C warmer as in areas met ‘n swaarder boombedekking en kan sodoende verkoelingskostes
verminder.
Windskerm
Bome wat strategies geplant word kan wind afkeer
Foto: Chris Kriel
Die reuse van die Tsitsikama-woude in Suid-Afrika is
meesal die Outeniqua Geelhout (Podocarpus falcatus)