Innoverende vennootskappe lei tot
volhoubaarheid in die wynbedryf
Suid-Afrika se wynbedryf, tans die agtste grootste wynprodusent in die wêreld, is tydens
die jaarlikse konferensie van die American Association of Wine Economists, wat hierdie
jaar in Stellenbosch gehou is, as ’n ‘sukses deur diversiteit’ beskryf.
Tydens dié konferensie is ’n glasie geklink op ons wynbedryf se
diversiteit ten opsigte van geologiese en klimaatnisgebiede, wat
van die Fynbos-bioom in die Kaapse Blommeryk tot die
semiwoestynagtige Gariep strek, sowel as ons verskeidenheid
kelders, wat van produsent, privaat en groothandelsonderneming
tot familie-, landgoed-, bemagtigings- en leefstylprodusent wissel.
Die uitdagings en geleenthede van die toekoms sal ongetwyfeld
met voortgesette veerkragtigheid die hoof gebied en benut word,
en innoverende vennootskappe sal ’n integrale deel van die
bereiking en handhawing van volhoubaarheid uitmaak.
Nedbank bevorder en moedig volhoubaarheid aan in sy
innoverende vennootskappe met die bedryf. Een so ’n
baanbrekervennootskap tussen die wynbedryf en die
bewaringsektor is die biodiversiteit-en-wyninisiatief (BWI). Dit is
in 2004 op die been gebring onder leiding van die Botaniese
Vereniging van Suid-Afrika, Conservation International en die
Nedbank-befondsde Groen Trust met die doel om unieke spesies
in die Kaapse Blommeryk, ’n tuiste vir unieke plantdiversiteit wat
as ’n Wêrelderfenisgebied erken word, te beskerm.
Van ’n beskeie begin as ’n klein, toegewyde span, het BWI ontwikkel
in ’n volwaardige program wat in WWF-Suid-Afrika (WWF-SA)
gehuisves word, ondersteun en befonds deur verskeie vennote,
wat nie net natuurlike habitat beskerm nie, maar ook
wynprodusente en -kelders aanmoedig om volhoubaar te boer.
Deelnemende wynprodusente en -kelders word as lede of
kampvegters gegroepeer. Lede hou by die bedryf se bestepraktykriglyne ten opsigte van omgewingsertifiseringskemas wat
Geïntegreerde Wynproduksie genoem word, maar hulle doen veel
meer deur hulle verbintenis tot die nakoming van
biodiversiteitspesifieke riglyne te toon. Kampvegters word
onderskei deur hulle leierskap in beste praktyk en hulle verbintenis
om 10% van hulle plase vir bewaring opsy te sit. Die inisiatief spog
met 175 lede, 29 kampvegters en 136 000 ha grond onder
bewaring.
Die voordele vir die bedryf sluit in die gebruik van biodiversiteit as
’n mededingingsmarkvoordeel, gratis advies deur die BWI-span
om volhoubare boerdery te bewerkstellig en omgewingsrisiko’s te
verklein, en die vermoë om in vennootskap met die
bedryfsrolspelers soos Wyne van Suid-Afrika (WOSA)
Daneel Rossouw
Nedbank Besigheidsbanksake,
Afdelingsbestuurder: Landbou (Kaap)
Tel:
021 807 2210
E-pos: [email protected]
biodiversiteit in wynidentiteit te bou en te kommunikeer. Die
bewaringsektor het gebaat by die hektaar onder bewaring, wat
’n kritieke rol speel in die bestuur en beskerming van
lewensnoodsaaklike water-, grond- en energiehulpbronne.
Produsente en kelders se pogings ten opsigte van en hulle verbintenis
tot volhoubaarheid word in die Nedbank Groen Wyntoekennings
erken en beloon, en BWI-lidmaatskap dien as ’n belangrike
maatstaf vir volhoubaarheid. Nedbank se jarelange verhouding
met WWF-SA het in 2012 uitgeloop op die ontwikkeling van ’n
driejaar-vennootskap om volhoubare landbou te beloon en aan te
spoor. Wyn is ’n sleutelfokusgebied van hierdie vennootskap,
met volgehoue pogings deur Nedbank Agribesigheid en die
WWF Volhoubare Landbou-span om die beoefening van
volhoubare landbou aan te moedig en te bevorder. Nedbank
ondersteun ook jong toetreders tot die bedryf deur die Kaapse
Wynmakersgilde se Protégé-program, wat in 2006 onder die
beskerming van die Nedbank Kaapse Wynmakersgilde
Ontwikkelingstrust bekend gestel is en bevorder denkeleierskap
deur sy borgskap van die jaarlikse Nedbank VinPro-inligtingsdag.
Ons moedig produsente en kelders aan om met ons in verbinding
te tree om hulle biodiversiteitsverhaal met ons te deel en ’n
gesprek aan te knoop oor hoe ons hulle op hulle reis na
volhoubaarheid kan bystaan. Vir meer inligting hieroor en oor ons
gespesialiseerde dienste tree gerus in verbinding met
Daneel Rossouw, Nedbank Besigheidsbanksake se Afdelingshoof
vir Landbou in die Kaap, by 021 807 2210 of by
[email protected].
Nedbank Beperk Reg No 1951/000009/06.
Gemagtigde finansiële diens- en geregistreerde kredietverskaffer (NCRCP16).
SPONGE 5260